ЯҢАЛЫКЛАР
Идел буе физик тәрбия, спорт һәм туризм академиясендә узган конференциядә Казан шәһәре мэры Илсур Метшин, Казан шәһәре Башкарма комитеты җитәкчесе Денис Калинкин, ТР бала хокуклары буенча вәкаләтле вәкиле Гүзәл Удачина һәм башкалар катнашты. Киңәшмәне Казан шәһәре Башкарма комитеты җитәкчесенең социаль мәсьәләләр буенча урынбасары Ләйлә Фазлыева алып барды.
Татарстан Президенты Рөстәм Миңнеханов Апас муниципаль районына эш сәфәрендә Свияжный бистәсендә яңа балалар бакчасын ачу тантанасында катнашты.
Мәктәпкәчә мәгариф учреждениесе республика бюджеты хисабына төзелгән. 2013 елның октябрендә башланган төзелеш эшләре бәясе 60 млн сум чамасы тәшкил иткән. Объектның гомуми мәйданы – 1,3 мең кв метрдан артык.
Балтач гимназиясендә IT-класс ачыла. Анда 10 нчы класска баручы укучылар кабул ителә.
Әлеге класс укучылары 2 елга исәпләнгән махсус программа буенча укытылачак.Соңгы ике елда Спас районының Болгардагы 1нче урта мәктәпкә эшкә 8 яшь укытучы килде. Мәктәп директоры Надежда Илдарханова белдергәнчә, инициативалы, көчле, яшь белгечләр килгән. Аларның һәрберсе укыту-тәрбия процессына яңалык алып килә һәм күп эшләрдә башлап йөриләр.
Алабугада ишегалды бәйрәмнәре үткәрелә. Шундый бәйрәмнәрнең берсендә, күңел ачу программасыннан тыш, беренче сыйныф укучыларына букчалар да тапшырылды. Искәртеп узабыз, сигезенче ел рәттән, Белем көне алдыннан, Татарстан шәһәрләрендә һәм авылларында “Мәктәпкә җыенырга ярләм ит” хәйрия акциясе уздырыла.