ЯҢАЛЫКЛАР
Бөекбритания, АКШ, Германия, Ирландия, Италия, Испания, Франция, Австралиядән – 30дан артык илдән килгән педагоглар читтән торып педагогик белем буенча vIFTE-2020 VI Халыкара форумында катнашачак, ул COVID-19 пандемиясе нәтиҗәсендә виртуаль форматта уза.
Коронавирус инфекциясе таралу куркынычы шартларында хөкүмәт кандидатлык һәм докторлык диссертацияләрен дистанцион режимда яклауга рөхсәт бирде. Министрлар кабинетында әлеге формат дәүләт фәнни аттестация системасы эшен туктатмаска һәм диссертация советы составына керүче өлкән яшьтәге кешеләрне сакларга ярдәм итәчәк дип ышаналар.
2020 елның 3 июненнән 11 июненә кадәр Россия Мәгариф министрлыгы йөкләмәсе нигезендә Мәскәү дәүләт психологик-педагогик университеты инициативасы буенча һәм Федераль педагогик үлчәүләр институты, Россия мәгариф психологлары федерациясе ярдәме белән мәгариф оешмалары укытучылары өчен «Дистанцион уку режимы шартларында БДИга әзерлекнең психологик нигезләре» дип аталган вебинарлар циклы узачак.
Россия Федерациясе Мәгариф министрлыгы килеп туган эпидемиологик вәзгыять аркасында эшсез калган россиялеләрне яңадан әзерләү һәм квалификацияләрен күтәрү буенча чаралар комплексын әзерләде. Бу хакта Россия Федерациясе Мәгариф министры Сергей Кравцов Россия Президенты Владимир Путин рәислегендә узган хезмәт базарындагы вәзгыять турындагы киңәшмәдә сөйләде.
Санитар-эпидемиологик иминлекне тәэмин итү һәм Covid-19 таралышын булдырмау өчен быел БДИ уздыру процедурасында кайбер үзенчәлекләрне алдан карау планлаштырыла. Бу хакта Мәгариф һәм фән өлкәсендә күзәтчелек федераль хезмәте хәбәр итә.
1-нче июньдә Казанда үсеш үзенчәлекләре булган балалар өчен инклюзив онлайн-лагерь ачылачак. 12 көн дәвамында балалар физик культура, гамәли иҗат белән шөгыльләнәчәк, ачык мәктәпкә һәм кулинар мастер-классларына йөриячәк. Укулар социаль челтәрләрдә түләүсез нигездә турыдан-туры эфирларда оештырылачак.
Владимир Путин пандемия шартларында хезмәт базарындагы вәзгыять һәм мәшгульлеккә ярдәм итү буенча киңәшмә үткәрде. Президент 2020 елгы чыгарылыш сыйныф укучыларын эш белән тәэмин итүгә аерым игътибар бирде.
Федераль кадастр палатасы абитуриентларга документларны югары уку йортына электрон имза ярдәмендә дистанцион рәвештә тапшыру турында сөйләде.
Казан укучылары «халык геройлары - Ил геройлары» төбәкара конкурсында җиңүче булдылар. Ул март аеннан алып май аена кадәр барды, җиңү өчен 7-11 сыйныф укучылары көрәште. Сынаулар барышында «Сугыш балалары: барысы да фронт өчен, барысы да Җиңү өчен» темасына язылган иң яхшы эссе һәм «Барысы да фронт өчен, барысы да Җиңү өчен!» темалары буенча тикшеренү проектлары сайланды.
2020 елның 22-23 маенда Татарстан Республикасы Мәгарифне үстерү институты, белем бирү нәтиҗәләре түбән һәм начар социаль шартларда эшләгән мәктәпләрдә белем бирүнең сыйфатын күтәрүгә юнәлтелгән чараларны тормышка ашыру һәм «Мәгарифне үстерү» дәүләт программасы кысаларында, Югары Ослан гимназиясе белән берлектә, «Федераль дәүләт белем бирү стандартлары таләпләре нигезендә белем бирүнең сыйфатын күтәрү проблемалары һәм перспективалары» дигән вебинар үткәрделәр.