ЯҢАЛЫКЛАР

Азнакайның Балалар иҗаты үзәгендә “Сыйныф җитәкчесе” көне узды. Анда укучыларга дөрес тәрбия бирү һәм дәрестән соң эшләрне оештыру мәсьәләләре хакында педагоглар, профилактика хезмәтләре белгечләре катнашында җентекле сөйләшү барды.

Мәктәп укучылары һәм студентлар хәзер үз белем дәрәҗәсен генә түгел, хезмәткә һәм оборонага әзерлеген дә күрсәтергә тиеш. Совет чорында гамәлдә булган ГТО (Готов к Труду и Обороне) нормаларын тапшыру быелдан кире кайтарылды. Әлегә илебездә бу эксперимент сыйфатын гына йөртә. Әмма Татарстан, гадәттәгечә, һәр яңалыкны беренчеләрдән сынарга күнеккән. Республикабыз бу юлы да ГТО нормалары иң беренчеләрдән кертелгән 11 төбәк исемлегендә.

2014 елның 1нче августыннан 31 августына кадәрге вакыт аралыгында Татарстан Мәгариф һәм фән министрлыгының Мәгариф өлкәсендә күзәтчелек һәм контроль департаментына 34 мөрәҗәгать кабул ителде, шул исәптән 14 мөрәҗәгать ришвәтчелек очраклары турында (алар түбәндә таблица формасында күрсәтелгән). Әлеге вакыт аралыгында 35 мөрәҗәгать каралган, шул исәптән Департаментка 2014 елның 1нче июленнән 31нче июльгә кадәрге аралыкта кабул ителгән 8 мөрәҗәгать тикшерелгән. Тагын 6 мөрәҗәгать әлегә карала.

Бүген Татарстан Республикасы Президенты Рөстәм Миңнеханов һәм Вьетнам мәгариф һәм кадрлар әзерләү министры Фам Ву Луан киләчәктә Россия-Вьетнам мөнәсәбәтләрен ныгыту кысаларында, ТР белән Вьетнам Социалистик Республикасы арасында мәгариф һәм фән өлкәсендә хезмәттәшлек перспективалары турында фикер алыштылар.
Очрашу Вьетнам Мәгариф һәм кадрлар әзерләү министрлыгында узды. Чарада Россиянең Вьетнам Социалистик Республикасындагы Гадәттән тыш һәм Тулы вәкаләтле илчесе Андрей Ковтун, ТР Премьер-министры урынбасары – ТР мәгариф һәм фән министры Энгель Фәттахов, ТР Президенты ярдәмчесе Радик Гыйматдинов һ.б. катнашты.

Татарстан мәгариф һәм фән министрлыгы башлыгы Энгель Фәттахов район мәгариф идарәләре начальниклары белән быел беренче тапкыр килешү төзегән иде. Узган атнада Әгерҗе районы мәгариф идарәсе башлыгы Вәсилә Сафиуллина да мәктәп директорлары белән шундый килешүләр төзеде.

2014 елның 20-26 сентябрендә Крутушка бистәсендә урнашкан “Байтик” компьютер лагеры базасында ИТ-парк белән берлектә оештырылган IT-Jump республика проекты кысаларында “Flash-программирование” буенча мәктәп укучылары өчен профиль смена үткәрелә.

Нурлат шәһәрнең 3нче мәктәбе укучылары ГТО нормалары һәм сәламәт яшәү рәвешен сайлый.
Биредә районда уздырыла торган айлык кысаларында “Спорт экстремизмга каршы” программасы тормышка ашырыла.

Бүген Алабугада чит ил белгечләре балалары өчен Alabuga International School - халыкара мәктәп ачылды. Республика өчен яңа уку йортын ачу тантанасында Татарстан Республикасы Президенты Рөстәм Миңнеханов катнашты.

Республикабыз мәктәпләрендә “Китапка икенче гомер бүләк ит!” хәйрия акциясе дәвам итә. Мәгариф учреждениеләрен бюджет хисабына кирәкле дәреслекләр белән тәэмин итү буенча зур эш башкарылса да, кайбер мәктәпләр уку әсбапларына мохтаҗлык кичерә. Җәйге каникул көннәрендә үк башланып, октябрь ахырына кадәр дәвам итәчәк әлеге акция мәктәп китапханәләрен дәреслекләр, фәнни-популяр, матур һәм белешмә әдәбияты белән тулыландыруны максат итә.

Бүген ТР Президенты Рөстәм Миңнеханов үзенең эш сәфәре кысаларында Алабуга политехник көллиятендә булды. Биредә уку йорты базасында «Алабуга» МИЗ өчен белгечләр әзерләү ресурс үзәген ачылды.
Рөстәм Миңнехановны вице-премьер – ТР мәгариф һәм фән министры Энгель Фәттахов, Алабуга районы башлыгы Геннадий Емельянов озатып йөрде.