ЯҢАЛЫКЛАР
Әлмәттә беренче сыйныф укучыларының мәктәп линейкаларына кагыйдә буенча керәчәкләр: бер бала — бер ата-ана. 2нче сыйныфтан алып 11нче сыйныфка кадәр укучыларның ата-аналарына мәктәпләргә барудан тыелырга киңәш ителә, дип хәбәр итте мәгариф идарәсе башлыгы Ирина Павловская.
Белем көнендә Россия Президенты Владимир Путин Калининградка эш визиты белән барачак, анда мәдәният, сәнгать, фән һәм спорт өлкәсендәге Олимпиада һәм конкурсларда җиңүчеләр белән «Мөһим турында сөйләшү» ачык дәресе үткәреләчәк.
Дәресләрдә кәрәзле телефоннар куллануны чикләү кагыйдәсе бөтен кеше өчен дә актуаль түгел – аларны медицина күрсәткечләре буенча кирәк булган укучылар файдалана алачак, дип белдерделәр Роспотребнадзорда. Аерым алганда, кесә телефоннарын укучылар кандагы шикәрен контрольдә тоту яки йөрәк ритмын мониторинглау өчен файдалана алачак, андыйлардан телефоннарны «катгый рәвештә» алырга ярамый, диелә ведомство хәбәрендә.
2022 елның 3 сентябрендә «Тарихи хәтер» федераль партия проекты кысаларында «Җиңү диктанты» Бөек Ватан сугышы вакыйгалары темасына Халыкара тарихи диктант узачак. Татарстанда акция 167 мәйданчыкта узачак.
Яңа «Адымнар — Әлмәт» полилингваль комплексы тәңгәллек турында нәтиҗә алды һәм бүген, 1 сентябрьдә, 800дән артык балага үз ишекләрен ачачак, шуларның 210ы беренче тапкыр парта артына утырачак.
Бүген, 1 сентябрьдә, Татарстан Республикасы Президенты Рөстәм Миңнеханов 1224 укучыга исәпләнгән «Адымнар — Түбән Кама» яңа полилингваль белем бирү комплексын ачу тантанасында катнашачак. Белем бирү учреждениесе «Түбән Кама нефть химиясе», «Түбән Кама шина» һәм «ТАНЕКО» компанияләре белән хезмәттәшлек итәчәк.
Россиянең Мәгариф министрлыгы мәктәптә дәресләр вакытында телефоннардан файдалануны тыйды, дип хәбәр итте ведомство башлыгы Сергей Кравцов.
Татарстанда 1 сентябрьдә 1224 укучыга исәпләнгән яңа «Адымнар — Әлмәт» полилингваль гимназиясе эшли башлаячак. Белем бирү оешмасында 1-8 нче сыйныф укучылары өчен «Триатлон мәктәбе» ачу планлаштырыла.
30 августта Россия Федерациясе Мәгариф министрлыгы академиясенең дистанцион мәйданында «Мәгариф векторы: чакырулар, трендлар, перспективалар» дип аталган семинар узды. Чарада илнең мәгариф оешмалары идарәчеләре, Россия Мәгариф министрлыгы академиясе экспертлары һәм РФ мәгариф өлкәсенең башка вәкилләре чыгыш ясады.
Автор шигырьләре һәм хикәяләре конкурсында финно-угорск һәм самодийск халыкларының туган телләрендә катнашырга Россия Федерациясе гражданнары, илебез субъектларында яшәүче һәм фин-угор тел гаиләсе вәкилләре, шулай ук ишетү буенча инвалидларның региональ иҗтимагый оешмалары вәкилләре чакырыла.