Казанда тәрбия бирү программасын апробацияләү буенча укыту семинары узды

2019 елда мәгарифне үстерү стратегиясе институты хезмәткәрләре тарафыннан дәүләт йөкләмәсе кысаларында укучыларга тәрбия бирүнең якынча программасы эшләнде. Программа ил педагогларына белем бирү процессының тәрбия потенциалын ачыкларга һәм гамәлгә ашырырга ярдәм итәчәк, чөнки Россия Федерациясе Президентының 2018 елның 7 маендагы Указы бурычларын хәл итү максатларында гомуми белем бирү оешмалары эшчәнлегенә үрнәк программаны нәтиҗәле гамәлгә кертү бары тик ул педагог-укытучылар һәм мәктәп администрациясе тарафыннан хупланганда гына мөмкин булачак.
2019 елның сентябреннән аны илнең барлык төбәкләре пилот мәгариф оешмаларында сынап карау башланды. Апробациянең максаты-үрнәк программаны эшләп бетерү һәм аны гамәлгә кертүгә методик тәкъдимнәр әзерләү.
Татарстан Республикасыннан 24 гомуми белем бирү оешмасы үрнәк тәрбия программасын апробацияләүгә кертелгән, алар арасында 15е-авыл, 8е-шәһәр һәм Советлар Союзы Герое Б.К. Кузнецов исемендәге  Казан кадет интернат-мәктәбе. 

Семинарда тәрбия эшләре буенча бүлек начальниклары урынбасарлары, тәрбия эшләре буенча методистлар, апробациядә катнашучы гомуми белем бирү оешмалары вәкилләре (директорлар һәм тәрбия эшләре буенча директор урынбасары) катнашты.
Белем бирү оешмалары экспертка үз белем бирү оешмасын тәрбияләү буенча эш программаларын тәкъдим иттеләр.