Татарстан укучыларын «Без срока давности» Бөтенроссия иншалар конкурсында катнашырга чакыралар

2019 елның 25 декабре, чәршәмбе

Россиядә 2020 елда хәтер һәм дан елын үткәрүгә багышланган «Без срока давности»  Бөтенроссия иншалар конкурсы старт алды.
Конкурста гомумбелем бирү оешмаларыннан 5-11 нче сыйныф укучылары катнаша ала. Бәйгедә катнашу ирекле. Конкурска материаллар рус телендә кабул ителә.
Татарстанда конкурс ике этапта уздырыла. Муниципаль этап - 2019 елның 20 декабреннән 2020 елның 13 гыйнварына кадәр. Төбәк этабы - 2019 елның 20 декабреннән 2020 елның 31 гыйнварына кадәр.