Апаста капиталь ремонттан соң мәктәп һәм балалар бакчасы ачылды

5 июнь 2020 ел., җомга

Апаска эшлекле сәфәр белән Татарстан Премьер-министры урынбасары — мәгариф һәм фән министры Рафис Борһанов килде. Ул район башлыгы Равил Хисаметдинов белән берлектә капиталь төзекләндерү узган балалар бакчалары, мәктәпләрне ачу тантанасында катнашты. Бу турыда район басмасы хәбәр итә.

Районда бүген кабат тантаналы вакыйгалар узды. Капиталь төзекләндерүдән соң Кече Болгаерда, Танай-Турай авылында балалар бакчалары, Кызыл Тауда мәктәп ачтылар. Рафис Борһанов шулай ук Биеш мәктәбендә барган төзекләндерү эшләре белән дә танышты.

«Без бүген Апас җирлегендә 4 объектны карадык. Балалар бакчаларында, мәктәпләрдә булдык. Алар берсеннән-берсе матур, чиста, эшләр сыйфатлы башкарылган. Яңа җиһазлар куелган. Балалар, хезмәткәрләр көлеп, елмаеп каршы ала. Апастан бик канәгать булып китәм», — диде Рафис Борһанов.

 

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International