Казанда «Йөрәгемне балаларга бирәм» конкурсының финалы узачак

2020 елның 16 сентябре, чәршәмбе

16-18 сентябрьдә Казанда «Йөрәгемне балаларга бирәм» өстәмә белем бирү педагогларының һөнәри осталык республика конкурсының финалы узачак. Финалда өстәмә белем бирү өлкәсендә эшләүче 22 укытучысы катнашачак - бу конкурсның 8 номинациясендә читтән торып катнашу этабында җиңүчеләр. Конкурс сынаулары программасында укучылар белән практик дәресләр, белем бирү процессында педагогик проектлау, педагогик хәлләрне һәм педагогик бурычларны хәл итү, Татарстан Республикасы мәгариф һәм фән министры урынбасары катнашында «түгәрәк өстәл» каралган. 16 - 17 сентябрьдә конкурс процедуралары читтән торып, 18 сентябрьдә - урында узачак.