“Сәламәт туклану нигезләре” программасы буенча укуларны 20 меңнән артык укучы узачак
Роспотребнадзор, Федераль туклану үзәге, азык-төлек биотехнологияләре һәм азык куркынычсызлыгы үзәге һәм "Орлёнок" Бөтенроссия балалар үзәге (ВДЦ) белгечләре "Сәламәт туклану нигезләре" пилотлы белем бирү программасын эшләде. Анда 2021 елның мартыннан инде ике меңнән артык бала катнашты.
Программага лекцияләр, кулинария мастер-класслары, «Россиянең милли кухнясы» фестиваль-конкурсы, белем бирү стажировкалары, шулай ук проект амбассадорлары һәм экспертлары белән очрашулар кертелгән.
Программаның төп максаты – укучыларның туклану культурасын һәм сәламәт яшәү рәвеше нигезләрен формалаштыру. Проект кысаларында Роспотребнадзор һәм Федераль туклану, биотехнологияләр һәм азык-төлек куркынычсызлыгы үзәге белгечләре катнашында онлайн-лекцияләр һәм семинарлар сериясе планлаштырылган. Алга таба квалификация күтәрү семинарлары һәм курсларының аерым программасы эшләнәчәк.
2021 ел ахырына укуларны 20 меңнән артык бала узачак.
Белешмә өчен
«Орлёнок» ВДЦда ел саен төрле юнәлештәге 100гә якын белем бирү программасы гамәлгә ашырыла. Анда Россиядән, якын һәм ерак чит илләрдән 11 яшьтән 16 яшькә кадәрге балалар катнаша.