ЯҢАЛЫКЛАР
Белем бирү өлешендә көнкүреш коррупциясе мәсьәләләре буенча гражданнардан мөрәҗәгатьләр саны шактый кимеде. 2019 елның беренче яртыеллыгында ведомствога барлыгы 33 гариза кергән. Бу хакта ТР Мәгариф һәм фән министрлыгы каршындагы Иҗтимагый совет утырышы кысаларында мәгариф өлкәсендә күзәтчелек һәм контроль департаменты җитәкчесе урынбасары Рәмис Мөҗипов сөйләде.
Татарстанда дәүләт хакимияте башкарма органнарының максатларын һәм бурычларын халык алдында формалаштыру һәм аларның үтәлешен иҗтимагый контрольдә тоту буенча проект гамәлгә ашырыла. Анда 4 социаль блок – сәламәтлек саклау, хезмәт, мәшгульлек һәм социаль яклау, мәгариф һәм фән, мәдәният министрлыклары катнаша.
"Мәгариф” милли проекты Татарстанның 100гә якын авыл мәктәбен заманча җиһазлар белән тәэмин итәргә, 6 спорт залын ремонтларга һәм Казанда 2 яңа мәктәп төзергә ярдәм итәчәк. Бу хакта Татарстан Мәгариф һәм фән министрлыгы материалларында әйтелә.
1 августтан 5 августка кадәр Биләр музей-тыюлыгында BILER FORUM - Талантлар Университетының традицион җәйге яшьләр мәктәбе узачак. Форумны оештыручылар: Талантлар Университеты, Татарстан Республикасы Мәгариф һәм фән министрлыгы, Татарстан Республикасы Яшьләр эшләре һәм сәүдә министрлыгы ярдәмендә «Сәләт» республика яшьләр иҗтимагый фонды.
ТР Мәгариф һәм фән министры Рафис Борһанов мәктәп укучылары өчен 30 нчы Халыкара биологик олимпиадада «көмеш» яулаган Чаллыдан Денис Лисицкий белән очрашты, аңа министрлыктан бүләк тапшырды һәм олимпиадачының җиңүгә ничек килүе турында сорашты.
5-7 август көннәрендә КФУның Алабуга институтында унынчы халыкара мәктәп укытучылары фестивале узачак. Педагогик форумның өч көнлек программасында йөздән артык тематик мастер-класслар, педагоглар өчен ачык лекцияләр, семинарлар, пленар сессия бар. Дискуссия мәйданчыклары да эшләячәк, дип хәбәр итә вузның матбугат хезмәте.
“Сириус " белем бирү үзәге һәм Яндекс проект сменасын эшләүче студентлар өчен үткәрәчәк. Ике атна дәвамында балалар иң перспективалы IT-проектлар өстендә эшләячәк.
Милли технологик инициативаның Түгәрәк хәрәкәте (МТИ) һәм “Яшь профессионаллар (WorldSkills Russia) " берлеге сәләтле укучылар өчен яңа санлы сервисларның үзара интеграциясе турында килештеләр.
Бөек Болгар һәм Зөя утрау-шәһәре турында мәктәп рәсемнәре һәм шигырьләре конкурсына гаризалар кабул итү дәвам итә. Конкурс агымдагы елның 22 апреленнән 9 сентябренә кадәр уза. Барлык эшләр дә Instagram-битендә урнаштырылачак: @Bolgar_Sviyazhsk.
2019 елның 18-22 августында Казанда Татарстан Республикасыннан читтә белем алучы студентларның икенче форумы узачак. Форум техник һәм гуманитар белгечлекләр, IT-өлкә буенча 150 талантлы студентны җыячак. Катнашучыларны бик бай мәдәни программа, нетворкинг-сессияләр, республика җитәкчелеге, эре предприятиеләр һәм бизнес-структуралар топ-менеджменты белән очрашулар, WorldSkills стандартлары буенча эшче һөнәрләр дөнья чемпионаты тантанасында катнашу көтә.