ЯҢАЛЫКЛАР
Кичә Казанда һөнәри белем бирү оешмаларының I Бөтенроссия студентлар форумы тантаналы төстә ачылды. Чарага 20 төбәктән 500 дән артык студент җыелды. Оештыручылар форум студентлар берләшмәләре эшчәнлегенең бердәм стратегиясен формалаштыру һәм яшь буынның үсеше өчен этәргеч булыр дип өметләнә.
1нче гыйнвардан 1нче сентябрьгә кадәр Татарстан Республикасы Мәгариф һәм фән министрлыгының Мәгариф өлкәсендә күзәтчелек һәм тикшерү департаменты 542 мөрәҗәгать кабул итеп алган, аларның 115 -- ришвәтчелек турында. 35 мөрәҗәгатьтәге күренеш расланган.
1нче сентябрьдән 30нчы сентябрьгә кадәр 108 мөрәҗәгать кабул ителгән, шул исәптән 33 мөрәҗәгать ришвәтчелек буенча. 11 мөрәҗәгатьтәге күренеш расланган, бишесе әле тикшерү халәтендә.
"Пирамида" күңел ачу үзәгендә 7нче октябрьдә уздырылган "Халыкара укытучылар көне"нә багышланган зур тамашаның телевизион чыгарылышы бүген "Яңа гасыр" каналында 14 сәгать 30 минутта күрсәтеләчәк. Алдагы көнне мөгаллимнәрне һөнәри бәйрәмнәре белән Татарстан республикасының Премьер-министры Илдар халиков тәбрикләде.
Казанда Рус теле һәм әдәбияты укытучылары Россия җәмгыятенең V конгрессы үз эшен төгәлләде.
Бүген конгрессны ябу тантанасы уздырылды. Йомгаклау сүзе белән Россия Мәгариф академиясе Президенты Людмила Вербицкая чыгыш ясады.
Бүген Татарстан Республикасы Премьер-министры урынбасары-мәгариф һәм фән министры Энгель Фәттахов республиканың "Мәгариф" милли проектын гамәлгә ашыручы иң яхшы укытучылар белән очрашты..
10нчы октябрьдән 13нче октябрьгә кадәр Казанда I Бөтенроссия һөнәри белем бирү оешмалары студентларының форумы узачак. Чарага Россиянең 20дән артык регионыннан - Иванов, Мәскәү, Красноярск һ.б. өлкәләр, Мордовия, Коми, Кырым һ.б. Республикалардан 500ләп һөнәри уку йорты студентлары килер дип көтелә.
Бүген "Пирамида" күңел ачу үзәгендә Халыкара укытучылар көненә багышланган тантана узды. Анда бөтен Татарстаннан меңнән артык мөгаллим катнашты, шул исәптән мәгариф бүлеге һәм идарәсе җитәкчеләре, иң яхшы мәктәп директорлары, башлангыч һәм урта һөнәри белем бирү йортлары җитәкчеләре, балалар бакчасы мөдирләре, укытучылар, тәрбиячеләр һ.б.
Сезне ихлас күңелдән һөнәри бәйрәмебез – Халыкара укытучылар көне белән тәбрик итәм һәм рәхмәт сүзләремне җиткерәм!
"Тәрбия һәм балаларга өстәмә белем бирү өлкәсенең иң яхшы хезмәткәре" грантына йомгак ясалды. Бәйге Татарстан Республикасында "Киләчәк"-"Будущее» мәгарифне үстерү стратегиясе кысаларында 2016нчы елның 4нче мартыннан 25нче сентябренә кадәр үткәрелде.
Россиянең 15 иң яхшы укытучылары санына кергән Татарстан Республикасының Ел укытучысы Иван Филатов "Россиянең ел укытучысы"-2016 Бөтенроссия бәйгесе лауреатларының Россия Федерациясе Президенты Владимир Путин белән очрашуында катнашты. Казанның 90нчы гимназиясе укытучысы үзенең Президент белән очрашудан калган тзэсирләре белән уртаклашты. Иң беренче ул Россия башлыгының һәркем белән аерым исәнләшүен һәм саубуллашуын искәртте.