ЯҢАЛЫКЛАР

2015 елның 11-28 июнендә “Костер” республикакүләм балаларны сәламәтләндерү-белем бирү үзәгендә «Биосфера» эколого-биологик лагерь-мәктәп узды. Биредә Татарстанның 80нән артык сәләтле балалары катнашты. Табигый фәннәр белән кызыксынучы, биология, экология һәм география фәннәре буенча олимпиадалар, конкурс-конференцияләрдә уңышка ирешкән 6-11 сыйныф укучылары лагерьда ял итеп кенә калмады, ә гомуми экология, үсемлекләр һәм хайваннар экологиясе, гидробиология һ.б. фәннәр буенча өстәмә белем дә алды.

Татарстанда “Үз мәктәбеңә ярдәм ит!” хәйрия акциясе дәвам итә. Бүгенге көндә акциядә 697 иганәче катнашкан. Алар Татарстан Республикасының 36 муниципаль районында 322 гомумибелем бирү оешмасына ярдәм күрсәткән.

2015 елның 10-12 августында Казан (Идел буе) федераль университетының Алабуга институтында VI Халыкара укытучылар фестивале була. Фестивальдә Россия Федерациясе һәм Татарстан Республикасының әйдәп баручы укытучылары, урта һәм һөнәри белем бирү системасы вәкилләре, гомуми белем бирү учрежденияләре белән актив хезмәттәшлек итүче галимнәр һәм чит ил белгечләре катнашачак.

Быел Яр Чаллының 1нче номерлы “Шатлык” балалар бакчасының эшчәнлек нәтиҗәләре шәһәрнең мәктәпкәчә белем бирү йортлары арасында иң яхшысы дип табылды. II урында – 50нче “Родничок” , IIIдә – 47нче “Айгөл” балалар бакчалары.

Бүген “Казан” тау чаңгысы спорт-сәламәтләндерү комплексында “Президент академиясенең җәйге кампусы” IV халыкара мәгариф форумының ябылу тантанасы узды. Тантаналы чарада ТР Премьер-министры урынбасары – ТР мәгариф һәм фән министры Энгель Фәттахов, РФ Президенты каршындагы Россия халык хуҗалыгы һәм дәүләт хезмәте академиясе ректоры Владимир Мау һәм "The Coca Cola Company" компаниясенең Россиядәге генераль директоры Любо Груич катнашты.

3-9 августта Актаныш районында II төбәкара «Агыйдел» яшьләр иҗади-интеллектуаль форумы узачак.

Анапа шәһәрендә Россия җыелма командасының өч атнадан Бразилиядә узачак дөньякүләм WorldSkills Competition чемпионатына әзерлеге тәмамланды. Исегезгә төшерәбез, Россия җыелма командасына составына Татарстанның 3 студенты – Казан төзелеш көллиятеннән Вениамин Петров, Яр Чаллының В.Д.Поташов исемендәге техник көллиятеннән Равил Заһретдинов һәм Яр Чаллы политехника көллиятеннән Антон Лоскутов та керде.

Татарстанда республикакүләм «IT-чемпион» бәйгесе дәвам итә. Бүгенге көнгә бәйгедә республикабызның 1 135 мәктәбеннән 39 меңнән артык укучы катнаша. Аларның логиннары uslugi.tatarstan.ru Татарстан Республикасы дәүләт һәм муниципаль хезмәтләр порталындагы 45 763 шәхси кабинетта сакланган.

24 июльдә Югары Ослан районында урнашкан “Казан” тау чаңгысы спорт-сәламәтләндерү комплексында "Президент академиясенең җәйге кампусы" IV Халыкара белем бирү форумының ябылу тантанасы узды. Чарада Татарстан Республикасы Премьер-министры урынбасары – мәгариф һәм фән министры Энгель Фәттахов катнашты.

30 июльдән 3 августка кадәр Яр Чаллы шәһәрендә урнашкан "Росинка" сәламәтләндерү үзәге базасында  «It's up to you-2015» тел гыйлеме буенча халыкара лагерь эшлиячәк. Биредә 15-22 яшьләрдәге мәктәп укучылары һәм студентлар шөгыльләнәчәк. Лагерь программасын төзүдә  инглиз теле укытучылары, психологлар һәм  рәссамнар, музыкантлар һәм башка иҗади юнәлеш буенча эшләүче белгечләр катнашты.