ЯҢАЛЫКЛАР

2015 елның 24 июненнән 14 июленә кадәр "Байтик" шәһәрарты компьютер лагерында Татарстан Республикасы урта һөнәри белем бирү оешмаларында белем алучы ятим балалар өчен махсус смена уза. Биредә республиканың төрле районнарында урнашкан көллият һәм техникумнарда укучы 30дан артык студент ял итә.

2015 нче елның 19 июнендә Берлинда, “Сабантуй – дуслык күпере” лозунгы астында үткәрелгән “Европа сабатуе 2015” кысалары эчендә, Татарстан Республикасының Мәгарифне үстерү институтының фәнни хезмәткәрләре Р.Р. Нигъматуллина, А.Х. Мөхәмәтҗанова тарафыннан татар теленә өйрәтү буенча мастер-класс уздырылды. Мастер-классның эшчәнлегендә Германия һәм башка Европа илләренең өстәмә белем бирү үзәкләренең белгечләре һәм үз балаларына туган телне һәм мәдәниятне өйрәтергә теләгән ата-аналар катнашты. Р.Р. Нигъматуллина үз чыгышында читтә яшәгән мәктәпкәчә балаларга туган телне өйрәтү принциплары турында сөйләде һәм белем бирү өлкәсендәге яңа казанышлар белән таныштырды.

23нән 29нчы июльгә кадәр Болгар музей-тыюлыгындагы палатка лагерында  II төбәкара  “Болгар-Туган тел” форумы уза. 

2015 елның 1-нче маеннан 31-нче маена кадәрге вакыт аралыгында Татарстан Мәгариф һәм фән министрлыгының Мәгариф өлкәсендә күзәтчелек һәм контроль департаментына 55 мөрәҗәгать кабул ителде, шул исәптән 5 мөрәҗәгать ришвәтчелек очраклары турында.

Быел мәктәпкәчә белем бирү учреждениесе урнаштыруга дип 6 объект билгеләнгән һәм шуны башкарып чыгуга 111,2 млн сум каралган. Нәтиҗәдә, шуларда 375 балага урын булачак. Шушы объектларның барысында да капиталь төзекләндерү эшләре башланган һәм, гомумән алганда, 60 процентка үтәлгән.

Татарстанда 2015 елның 18 мартында башланып киткән республикакүләм «IT-чемпион» бәйгесе дәвам итә. Бүгенге көнгә бәйгедә республикабызның 1 122 мәктәбеннән 40 меңгә якын укучы катнаша. Аларның логиннары uslugi.tatarstan.ru Татарстан Республикасы дәүләт һәм муниципаль хезмәтләр порталындагы 45 077 шәхси кабинетта сакланган.
Конкурста иң актив катнашучылар рәтендә Тукай, Балтач, Арча, Теләче, Нурлат, Мөслим районнары мәктәп укучылары исәпләнә.

Бу атнада, ягъни 22-26 июньдә чыгарылыш 11 нче класс укучылары рус теле (бүген), математика (база һәм профильле) (иртәгә) , география, химия, әдәбият, җәмгыять белеме, физика (берсекөнгә), чит ил теле (язмача), биология, тарих, информатика һәм мәгълүмати-коммуникацион технологияләр (25ендә) , чит ил теле (телдән) буенча (26 июньдә) бердәм дәүләт имтиханнары тапшыра. Бу резерв көннәр буларак билгеләнгән иде.