ЯҢАЛЫКЛАР

Быел мәктәпкәчә белем бирү учреждениесе урнаштыруга дип 6 объект билгеләнгән һәм шуны башкарып чыгуга 111,2 млн сум каралган. Нәтиҗәдә, шуларда 375 балага урын булачак. Шушы объектларның барысында да капиталь төзекләндерү эшләре башланган һәм, гомумән алганда, 60 процентка үтәлгән.

Татарстанда 2015 елның 18 мартында башланып киткән республикакүләм «IT-чемпион» бәйгесе дәвам итә. Бүгенге көнгә бәйгедә республикабызның 1 122 мәктәбеннән 40 меңгә якын укучы катнаша. Аларның логиннары uslugi.tatarstan.ru Татарстан Республикасы дәүләт һәм муниципаль хезмәтләр порталындагы 45 077 шәхси кабинетта сакланган.
Конкурста иң актив катнашучылар рәтендә Тукай, Балтач, Арча, Теләче, Нурлат, Мөслим районнары мәктәп укучылары исәпләнә.

Бу атнада, ягъни 22-26 июньдә чыгарылыш 11 нче класс укучылары рус теле (бүген), математика (база һәм профильле) (иртәгә) , география, химия, әдәбият, җәмгыять белеме, физика (берсекөнгә), чит ил теле (язмача), биология, тарих, информатика һәм мәгълүмати-коммуникацион технологияләр (25ендә) , чит ил теле (телдән) буенча (26 июньдә) бердәм дәүләт имтиханнары тапшыра. Бу резерв көннәр буларак билгеләнгән иде.

ТР Президенты Р.Миңнеханов башлангычы белән кабул ителеп, республикада 2012 елда гамәлгә кергән мәктәпләрне капиталь төзекләндерү программасы 5 елга исәпләнгән. Шул арада, 3 елда, Казанда программага кертелгән иске (исемлеккә кертелгәндә төзелгәненә кимендә 30 ел булуы шарт иде) мәктәпләрнең 66 проценты төзекләндерелгән. Төгәлрәге, 2 млрд сумга 88 (башта - 44, 2013 елда - 19, былтыр - 25) мәктәптә капиталь ремонт эшләре башкарылган. Быел исә 17 мәктәп (19 бина) һәм, Рөстәм Миңнеханов йөкләмәсе буенча, тагын 4 балалар бакчасында шундый эшләр үткәрелә. Шуңа 504 млн сум акча каралган.

Казан каласында гамәлдә булган 26 балалар бакчасында быел 600 урынлык өстәмә төркемнәр ачыла. Шуңа капиталь төзекләндерү программасы буенча 46,4 млн сум акча каралган.

Татарстанда “Мәктәбеңә ярдәм ит!” акциясе башланды. Әлеге акция турында журналистларга ТР Премьер-министры урынбасары – ТР мәгариф һәм фән министры Энгель Фәттахов бәян итте.
Аның сүзләренә караганда, республикада бишенче ел рәттән мәктәпләрне капиталь төзекләндерү программасы тормышка ашырыла. Бу максатларга республика бюджетыннан ел саен 2,5 млдр сум акча бүлеп бирелә. Быел әлеге программа кысаларында мәктәпкәчә белем бирү оешмаларын төзекләндерү дә күздә тотыла.

Күптән түгел “Россия ел укытучысы-2015” финалистлары өчен Мәскәүдә консультатив-гамәли семинар һәм Казан буенча виртуаль экскурсия оештырылды. Бәйгенең программасы һәм йомгаклау сынауларын уздыру мәйданчыклары белән ТР Мәгариф һәм фән министрлыгының гомуми белем бирү идарәсе башлыгы Тамара Федорова һәм Казанның аерым фәннәрне тирәнтен өйрәтә торган 177нче мәктәбе директоры Илдар Имамов таныштырды.

Укучыларның тәрбия системасын камилләштерү, югары әхлаклы, җаваплы, иҗади инициативалы, компетентлы шәхес формалашуына һәм үсешенә социаль-педагогик ярдәм күрсәтү максатыннан, ТР Министрлар Кабинетының 2015 елның 17 июнендә имзаланган 443нче карары нигезендә 2015-2025 елларга Татарстан Республикасында Тәрбия үсеше стратегиясе расланды. Әлеге стратегия төбәк тәрбия сәясәте өлкәсендә программ документ булып тора һәм республикада 2015-2025 елларга балаларны һәм яшьләрне тәрбияләү ситемасы үсешенең өстенлекле һәм гомуми социомәдәни юнәлешләрен билгели. Ул бу өлкәдәге төп федераль һәм республика норматив-хокукый актлары һәм программаларын исәпкә алып әзерләнгән. Документ Россиядә, Татарстанда тәрбия торышы анализын исәпкә алып, шулай ук илебезнең һәм чит ил тәрбия практикаларына таянып эшләнгән.

2015 елның 19 июнендә Тәтеш авыл хуҗалыгы техникумы базасында Татарстан Республикасы урта һөнәри белем бирү уку йортларында ярдәмче хуҗалыкларны һәм игенчелек культурасын үстерү мәсьәләсе буенча семинар-киңәшмә узды. Семинар-киңәшмә эшчәнлегендә аграр профильле 24 урта һөнәри уку йорты җитәкчеләре катнашты. Семинар программасы кысаларында уку аудиторияләре, авыл хуҗалыгы техникумы белән танышу, техникумның ярдәмче хуҗалык кырларына чыгу каралган иде.