ЯҢАЛЫКЛАР

2015 елның 26 маенда Мәгариф хезмәткәрләре йортының конференцияләр залында мәгариф өлкәсендә эшләүче социаль юнәлешле коммерцияле булмаган оешмаларның республикакүләм семинары узды.

Иртәгә 10.00дә Казанның Җиңү паркында “Мәктәп эко-патруле” конкурсы җиңүчеләрен бүләкләү тантанасы була. Искәртеп үтик: бәйге 2014 елның 1 сентябреннән агымдагы елның 1 маена кадәр уздырылды. Анда Татарстан урта белем бирү йортлары укучылары катнашты.

Бүген "Әкият" Татар дәүләт курчак театрында "Беренче сыйныф укучысының мәдәни көндәлеге" Республика мәгърифәти проектында җиңүчеләрне бүләкләү тантанасы узды.

25-27 май көннәрендә Казан политехника көллияте базасында “Һөнәре буенча иң яхшы – 2015” исеменә көллият һәм техникум студентларының Бөтенроссия олимпиадасы уздырыла. Ул станокчы (металл эшкәртү) белгечлекләрен үзләштерүчеләр арасында оештырыла. Анда Россиянең 24 һөнәри белем бирү йортыннан бәйгенең төбәк этабында җиңгән студентлар көч сынаша.

Бүген Россиядә Бердәм дәүләт имтиханының төп этабы старт алды. Сынауларның беренче көнендә 11 нче сыйныфны тәмамлаучылар география һәм рус әдәбияты буенча Бердәм дәүләт имтиханын яза. Казанның Совет районы һәм Питрәч районы мәктәпләре укучылары өчен имтихан уздыру пункты буларак башкаланың Совет районындагы 169 нчы мәктәп билгеләнгән.

25 майда Россиядә БДИның төп этабы башлана. Башлангыч мәгълүматлар буенча, анда 725 мең кеше катнашачак, аларның 650 меңе - быелгы чыгарылыш сыйныф укучылары.
Россиядә БДИны оештыру өчен 5,7 мең имтихан үткәрү пункты җәлеп ителә. Имтихан кампаниясен үткәрү өчен 40 меңнән артык төбәк җәмәгать күзәтүчесе, 1 меңнән артык федераль җәмәгать күзәтүчесе, 2 мең онлайн-күзәтүче һәм 140тан артык федераль белгеч җәлеп итү ниятләнә.

2015 елның 23 маенда Татарстан Республикасының мәгариф һәм фән министырлыгы ярдәме белән Г.Тукай исемендәге татар дәүләт филармониясендә 2014-2015 уку елы тәмамлану уңаеннан “Моң йолдызлыгы” исемле концерт үтте.