2015 елның 25 мартында Казанда Татарстан Республикасы Мәгарифне үстерү институты базасында муниципаль районнардагы мәгариф бүлекләре һәм идарәләре башлыклары өчен семинар узды. Семинарда катнашучылар белән Татарстан Республикасы Премьер-министры урынбасары - мәгариф һәм фән министры Энгель Фәттахов очрашты. Министр үз чыгышында гомуми белем бирү системасы үсеше һәм аның сыйфатын арттыру мәсьәләләренә аерым басым ясады. Яр Чаллы шәһәрендә белем бирү сыйфатын арттыруда нинди алымнар кулланылуы хакында Яр Чаллы шәһәренең мәгариф һәм яшьләр эшләре идарәсе башлыгы Рамил Хәлимов сөйләде.

25 мартта Казан Ратушасында Казан шәһәренең 2019 елда WorldSkills Competition һөнәри осталык буенча Дөнья чемпионатын үткәрүгә заявкасының рәсми презентациясе узды. Чарада Татарстан Республикасы Президенты вазыйфаларын башкаручы Рөстәм Миңнеханов, WorldSkills International (WSI) президенты Саймон Бартли, РФ мәгариф һәм фән министры урынбасары Александр Климов, Казан мэры Илсур Метшин, WorldSkills International да РФнең рәсми делегаты – РФ Мәгариф һәм фән министрлыгының Эшче кадрлар һәм өстәмә профессиональ белем өлкәсендә дәүләт сәясәте департаменты директоры Наталия Золотарева, “Спорт проектлары башкарма дирекциясе” КАО генераль директоры Азат Кадыйров һәм башкалар катнашты.

2015 елның 26 мартында Әлмәт, Буа, Яшел Үзән, Кукмара, Түбән Кама районнары һәм Казан шәһәреннән 68 укучы математика бенча профиль дәрәҗәдәге БДИны вакытыннан алда тапшыру өчен гариза биргән. Исегезгә төшерәбез, быел математика буенча бердәм дәүләт имтиханы база һәм профиль дәрәҗәләргә бүленгән. Математика буенча имтихан нәтиҗәләре исәпкә алына торган юнәлеш буенча укырга керергә теләүчеләр исә БДИның профильле дәрәҗәсен сайларга тиеш. Математика буенча профиль дәрәҗәдәге имтиханда барлыгы 21 бирем бирелә. Имтихан 3 сәг. 55 минут дәвам итәчәк (база дәрәҗәдәгесе – 3 сәг.). БДИ нәтиҗәләре 10 көннән соң билгеле булачак.

Мәктәп күләмендә урман дәресе үтте. Укучылар Татарстан Республикасында үсә торган агачлар, аларның үзенчәлекләре, үсү шартлары һәм әһәмияты турында сөйләделәр.

Бүген “Казан” Халыкара аэропорты янында "WorldSkills Arena" күргәзмә үзәге капсуласын салу тантанасы булды.
Чарада Татарстан Президенты вазыйфаларын вакытлыча башкаручы Рөстәм Миңнеханов, WorldSkills International (WSI) президенты Саймон Бартли, WSI техник мәсьәләләр буенча вице-президенты Стефан Прашл, РФ мәгариф һәм фән министры урынбасары Александр Климов, Казан мэры Илсур Метшин, WorldSkills Russia президенты, Россиядән WSI техник делегаты Павел Черных, ТР Премьер-министры урынбасары Васил Шәйхразиев, ТР Премьер-министры урынбасары – ТР мәгариф һәм фән министры Энгель Фәттахов, «Связьинвестнефтехим» ААҖ генераль директоры Валерий Сорокин катнашты.

2015 елның 25 мартында Азнакай шәһәренең 1 нче урта мәктәбендә 1941 – 1945 нче еллардагы Бөек Ватан сугышында Җиңүнең 70 еллыгына багышланган Республикакүләм строй һәм җыр бәйгесенең зона этабы узды. Әлеге бәйгедә Азнакай, Әлмәт, Баулы, Бөгелмә, Мөслим, Ютазы, Лениногорск, Нурлат һәм Чирмешән районнары командалары катнашты.

Иртәгә КФУның “Уникс” комплексында ТР Студентлар лигасы конференциясе уздырыла. Анда Татарстанның 9 шәһәреннән һәм 35 уку йортыннан 500ләп студент җыела. Чарада ТР дәүләт хакимияте вәкилләре, вузлар һәм ссузлар ректорлары, проректорлары, иҗтимагый оешмалар җитәкчеләре катнашуы да көтелә.

Казанга WorldSkills International президенты Саймон Бартли җитәкчелегендә WorldSkills International (WSI) комиссиясе әгъзалары килде.
Кунакларны “Казан” халыкара аэропортында Татарстан Республикасы Премьер-министры Илдар Халиков, ТР Премьер-министры урынбасары – ТР мәгариф һәм фән министры Энгель Фәттахов, Казан мэры Илсур Метшин, “Спорт проектлары башкарма дирекциясе” автоном коммерциячел булмаган оешманың генераль директоры Азат Кадыров каршы алды.

2015 елның 23-24 мартында Тәтеш муниципаль районында Советлар Союзы Герое П.С. Ханжин исемендәге 1нче номерлы Тәтеш урта мәктәбендә педагогик осталык буенча республика конкурсларының зона этаплары уза. Биредә республиканың алты районыннан конкурсның мәктәп һәм муниципаль этапларында уңышлы чыгыш ясаган 29 иң яхшы укытучы җыелды. Быел алар “Ел укытучысы-2015”, “Математика укытучысы-2015”, “Физика укытучысы -2015”, “Химия укытучысы-2015” исемнәрен алу өчен көч сынаша.