ЯҢАЛЫКЛАР

Апас муниципаль районының Кильдураз мәктәбе беренче укучыларын 1953 нче елда каршы ала. 60 еллык тарихы булган мәктәптә быел республикакүләм программа буенча капиталь төзекләндерү эшләре бара.

Әлки муниципаль районының Иске Матак урта мәктәбе укучыларының укуда һәм спортта уңышлары, балаларны тәрбияләүнең нәтиҗәле алымнары белән районда гына түгел, республикада да танылды. Мәктәп яны участогы да таң калырлык, ә ярдәмче хуҗалыкларында 6 баш мөгезле эре терлек, 11 баш дуңгыз асрала.

Югары уку йортларына гаризалар кабул итү төгәлләнергә санаулы көннәр генә калып бара. Гариза тапшыручылар кими, әмма әле көн саен агымдагы конкурсның саны үзгәреп то¬ра. Абруйлы булган һәм бюджетка кабул итүнең контроль саннары биш-уннан артмаган кайбер факультетларда инде гариза бирүчеләрнең бер урынга илле-илле биштән артып китү очраклары да бар.

Татарстан укучылары арасында быел имтиханнарда 100 балл җыю очраклары арткан. Узган ел андыйлар саны 109 булса, быел ул күрсәткеч 416 га җиткән. Бу хакта бүген Бердәм дәүләт имтиханын тапшыруга багышланган матбугат очрашуында ТР Мәгариф һәм фән министрының беренче урынбасары Данил Мостафин хәбәр итте.

Быел республикада бердәм дәү­ләт имтиханнары нәтиҗәләре буенча уртача балл узган елга караганда бары тик география сынавыннан (0,8 баллга) гына түбәнрәк. Баллар саны инглиз теленнән – 18,8, химия­дән – 14, физикадан 11гә арткан. Укучыларның географияне начар белү сәбәпләре нидә икән?

Бу хакта Бердәм дәүләт имтиханын тапшыруга багышланган матбугат очрашуында ТР Мәгариф һәм фән министрының беренче урынбасары Данил Мостафин хәбәр итте.
Гомумән алганда, 2012-2013 уку елында 21 меңгә якын кеше БДИ тапшырган. Аларның 19948е – быел мәктәп тәмамлаучылар.

Хөкүмәт йоырнда узган матбугат очрашуында ТР Мәгариф һәм фән министрының беренче урынбасары Данил Мостафин тугызынчы сыйныфны тәмамлаганда тапшырыла торган Дәүләт йомгаклау аттестациясе нәтиҗәләре белән дә таныштырып үтте. Халыкта аны “кече БДИ” дип тә атап йөртәләр. Чөнки әлеге имтиханнар да, БДИдагы кебек, контроль-исәпләү материаллары (КИМ) белән тапшырыла.

Нурлат районы мәктәпләрендә һәм бакчаларында ремонт эшләре башланды.
– Нигездә, мәктәпләрнең сыйныф бүлмәләрендә ремонт ата-аналар ярдәме белән башкарылса, коридорларда, фойелардагы эшләр шефлар һәм мәктәп җитәкчелеге көче белән алып барыла, - ди район мәгариф идарәсе җитәкчесе Газиз Юнысов.

«Әкияттәге кебек монда», – дип шатлана Балтач районының Бөрбаш урта гомумбелем бирү мәктәбе коллективы. Белем бирү йортындагы шартлар, чыннан да, сокланудан тел шартлатырлык булса, яңа мәктәпле булып куюлары да нәкъ әкияттәгечә килеп чыккан. Узган елның 8 декабреннән элеккеге бик иске биналарыннан өр-яңа мәктәпкә күчкәннәр алар.