ЯҢАЛЫКЛАР

Татарстан командасы 8-10 июнь көннәрендә Иннополис шәһәрендә уздырылган Бөтенроссия робот техникасы олимпиадасы категорияләренең берсендә җиңү яулады.

2015 елның 16нчы июнендә Татарстан Республикасы Мәгариф һәм фән министрлыгында эшче төркем утырышында торак-коммунал хезмәткәрләре алдында ата-ана тәрбиясеннән мәхрүм ителгән балаларның финанс бурычлары буенча тәкъдимнәрен карадылар. Утырыш видеоконференциясе режимында узды.

Балтач аэроклубы базасында түгәрәккә йөгән укучылар параплан белән күккә кутәрелә. Алар инструктор абыйлары Виктор Бабушкин белән бергә очу серләренә өйрәнәләр. Кем белә, шушы кечкенәдән мавыгу балаларга киләчәктә очучы яисә космонавт булып күктә очарга этәргеч булыр.

12-14нче июньдә Балтач муниципаль районының Кара Күл янындагы мәйданчыгында укучылар арасында җәяүле дистанцияләрдә спортлы туризм буенча Татарстан Республикасы беренчелеге – гомумбелем бирүче оешмаларында укучыларның 60нчы туристлык җыены уздырылды. Җыенда 10 муниципаль район һәм шәһәрдән 19 команда катнашты. Ярышлар ике яшь категориясендә алып барылды. Җыенда ярышлар җәяүле дистанцияләрдә һәм бәйге программасы нигезендә барды.

Бүген Татарстан укучылары информатика, биология һәм тарих буенча бердәм дәүләт имтиханнары тапшыра. Республикада информатикадан имтиханны 1423 чыгарылыш сыйныф укучысы, биологиядән 3 мең 352 һәм тарихтан 2 мең 368 егет һәм кыз сайлаган.

Бүген Татарстанның 5 мең 384 укучысы физика буенча һәм 1 мең 620 укучысы чит ил теле (язмача өлеш) буенча бердәм дәүләт имтиханы тапшыра. Республикада инглиз теленнән имтиханны 1550 укучы, испан теленнән 1, француз теленнән 22, алман теленнән 47 кеше сайлаган. Әлеге имтиханнар мәҗбүри түгел. Аларның нәтиҗәләре югары уку йортына укырга кергәндә генә кирәк.

Бүген математика буенча база дәрәҗәдәге БДИ нәтиҗәләре билгеле булды. Татарстанда әлеге сынауны 8 мең 361 укучы узган иде.

Татарстанда математика буенча БДИ тапшырган 3 укучының эше, телефоннан файдаланган өчен, саналмаган. Әлеге очракларның 2се Әлки районында теркәлгән: 1 укучының телефонын аның контроль-исәпләү материалларын фотога төшереп яткан мәлдә күреп алган булсалар, икенчесенең телефоны барлыгы, имтихан тапшырып чыккан соң, ачыкланган.

2015 елның 9 июнендә Татарстан Республикасының мәгариф һәм фән министрлыгында  “Балаларны тәрбиягә алучы ата-аналар берләшмәсе” утырышы үткәрелде.

Кичә кич рус теле буенча БДИ нәтиҗәләре билгеле булды. Татарстанда әлеге фән буенча уртача күрсәткеч 3 баллга артып, 69 баллны тәшкил итте (2014 елда – 65,8), дип хәбәр итте “Татар-информ” мәгълүмат агентлыгына ТР Мәгариф һәм фән министрлыгы матбугат хезмәте җитәкчесе Алсу Мөхәммәтова.