ЯҢАЛЫКЛАР

Татарстанда Борынгы Болгар шәһәре һәм Зөя утрау-шәһәрчегенә багышланган республикакүләм рәсем конкурсы дәвам итә. Әлеге бәйге “ТР Тарихи һәйкәлләрне һәм мәдәниятне торгызу республика фонды” коммерцияле булмаган оешманың 5 еллыгы кысаларында үткәрелә. 2015 елның 20 гыйнварында башланып киткән бәйгедә республика мәктәпләрендә укучы, балаларга өстәмә белем бирү оешмаларында, шулай ук балалар сәнгать мәктәпләрендә шөгыльләнүче өч йөздән артык укучы һәм урта һөнәри белем бирү оешмаларыннан 28 студент катнашты.

Алабуга шәһәренең ятим балалар йортында Бөек Ватан сугышының 70 еллык юбилеена багышланган бәйрәм алды әзерлеге башланды. Балалар үз куллары белән Бөек Ватан сугышы темасына патриотик стендлар ясадылар. Ул стендларда сугыш елларынды яшәгән ятимнәр тормышыннан эпизодлар күрсәтелгән.

19-23 май көннәрендә Татарстан башкаласында эшче һөнәрләр буенча “WorldSkills Russia” илкүләм чемпионаты финалы уздырыла. Аны “Ворлдкиллс Россия” берлеге – Россиянең “WorldSkills International” оешмасындагы вәкиле һәм “WorldSkills” стандартлары буенча һөнәри осталык конкурсы операторы оештыра. Чемпионат ТР Хөкүмәте ярдәме белән үткәрелә.

2015 елның 30 апрелендә Татарстан Республикасы һөнәри белем бирү оешмалары укучылары һәм, шулай ук, гомуми белем бирү оешмалары укучылары өчен «Яшь программист» XIX Республикакүләм бәйгесе тәмамланды.

Бүген Идел буе спорт һәм туризм академиясендә укучыларның математика буенча Бөтенроссия олимпиадасы җиңүчеләрен һәм призерларын игълан иттеләр. Бүләкләү тантанасында РФ мәгариф һәм фән министры Дмитрий Ливанов, ТР Премьер-министры урынбасары – мәгариф һәм фән министры Энгель Фаттахов һәм системаның башка җитәкчеләре катнашты.

2015 елның 27 апреленнән 1 нче июленә кадәр републикакүләм “Педагог-мастер” мастер-класслар буенча өстәмә авторлык программалары конкурсы үткәрелә.

Бүген Казан федераль университетының Лобачевский исемендәге фәнни китапханәсендә попечительлек советының утырышлар залында мәктәп укучыларының информатика буенча XXVIII халыкара олимпиадасына әзерлек һәм аны уздыру буенча РФ оештыру комитеты утырышы булды. Аның эшендә РФ мәгариф һәм фән министры Дмитрий Ливанов, ТР Премьер-министры урынбасары – мәгариф һәм фән министры Энгель Фәттахов, ТР Премьер-министры урынбасары – мәгълүматлаштыру һәм элемтә министры Роман Шәйхетдинов,  оештыру комитеты әгъзалары катнашты.

2014 елнын 29- 30 апрелендә Яр Чаллы, Әлмәт hәм Казан шәhәрләрендә Татарстан Республикасы Премьер-министры урынбасары Васил Шәйхразиев катнашуында Татарстан Республикасында "Хезмәт һәм оборонага әзер" Бөтенроссия физкультура-спорт комплексын гамәлгә ашыру буенча зональ киңәшмәләр үтте.

 Россиянең 2019 елда Казанда "WorldSkills Competition" эшче һөнәрләр чемпионаты финалын үткәрү хокукына гариза бирүе кампаниясе кысаларында  10 марттан 24 апрельгә кадәр “Һөнәр” иншалар һәм рәсемнәр конкурсы уздырылды.. Рәсемнәр бәйгесендә җиңүче дип Әлмәт политехника көллияте студенты Вероника Ермолаева табылды. Ә инша иҗат итүчеләр арасында иң күп баллны Пенза азык-төлек сәнәгате һәм коммерция көллияте студенты Дмитрий Быченков җыйды.