ЯҢАЛЫКЛАР

Мәктәп күләмендә урман дәресе үтте. Укучылар Татарстан Республикасында үсә торган агачлар, аларның үзенчәлекләре, үсү шартлары һәм әһәмияты турында сөйләделәр.

Бүген “Казан” Халыкара аэропорты янында "WorldSkills Arena" күргәзмә үзәге капсуласын салу тантанасы булды.
Чарада Татарстан Президенты вазыйфаларын вакытлыча башкаручы Рөстәм Миңнеханов, WorldSkills International (WSI) президенты Саймон Бартли, WSI техник мәсьәләләр буенча вице-президенты Стефан Прашл, РФ мәгариф һәм фән министры урынбасары Александр Климов, Казан мэры Илсур Метшин, WorldSkills Russia президенты, Россиядән WSI техник делегаты Павел Черных, ТР Премьер-министры урынбасары Васил Шәйхразиев, ТР Премьер-министры урынбасары – ТР мәгариф һәм фән министры Энгель Фәттахов, «Связьинвестнефтехим» ААҖ генераль директоры Валерий Сорокин катнашты.

2015 елның 25 мартында Азнакай шәһәренең 1 нче урта мәктәбендә 1941 – 1945 нче еллардагы Бөек Ватан сугышында Җиңүнең 70 еллыгына багышланган Республикакүләм строй һәм җыр бәйгесенең зона этабы узды. Әлеге бәйгедә Азнакай, Әлмәт, Баулы, Бөгелмә, Мөслим, Ютазы, Лениногорск, Нурлат һәм Чирмешән районнары командалары катнашты.

Иртәгә КФУның “Уникс” комплексында ТР Студентлар лигасы конференциясе уздырыла. Анда Татарстанның 9 шәһәреннән һәм 35 уку йортыннан 500ләп студент җыела. Чарада ТР дәүләт хакимияте вәкилләре, вузлар һәм ссузлар ректорлары, проректорлары, иҗтимагый оешмалар җитәкчеләре катнашуы да көтелә.

Казанга WorldSkills International президенты Саймон Бартли җитәкчелегендә WorldSkills International (WSI) комиссиясе әгъзалары килде.
Кунакларны “Казан” халыкара аэропортында Татарстан Республикасы Премьер-министры Илдар Халиков, ТР Премьер-министры урынбасары – ТР мәгариф һәм фән министры Энгель Фәттахов, Казан мэры Илсур Метшин, “Спорт проектлары башкарма дирекциясе” автоном коммерциячел булмаган оешманың генераль директоры Азат Кадыров каршы алды.

2015 елның 23-24 мартында Тәтеш муниципаль районында Советлар Союзы Герое П.С. Ханжин исемендәге 1нче номерлы Тәтеш урта мәктәбендә педагогик осталык буенча республика конкурсларының зона этаплары уза. Биредә республиканың алты районыннан конкурсның мәктәп һәм муниципаль этапларында уңышлы чыгыш ясаган 29 иң яхшы укытучы җыелды. Быел алар “Ел укытучысы-2015”, “Математика укытучысы-2015”, “Физика укытучысы -2015”, “Химия укытучысы-2015” исемнәрен алу өчен көч сынаша.

27 мартта – Халыкара театр көнендә Фатиха Аитова исемендәге 12нче гимназиядәсендә истәлекле чара оештырыла. Күренекле драматург Туфан Миңнуллинның иҗади мирасын тирәнтен өйрәнү һәм популярлаштыру максатыннан, укытучыларның һәм укучыларның аның истәлегенә багышланган II республика конференциясе уздырыла.

23 марттан 24 апрельгә кадәр Россиядә БДИны вакытыннан алда тапшыру этабы уздырыла. Анда 9 меңләп укучы катнаша. Бу төр сынауны мәктәпне алдагы елларда тәмамлаучылар һәм педогогик совет карары белән имтиханга керү рөхсәте алган быелгы чыгарылыш сыйныф укучылары тапшыра.

Казанның Идел буе районы 83нче лицеенда “Ел укучысы-2015” шәһәр конкурсы нәтиҗәләре билгеле булды. Бу исемгә Казанның Яңа Савин районы 7нче лицей-интернат укучысы Евгений Кива лаек булды.

2-4 апрельда Казанда,  Россия һәм Беларусия халыклары берләшү көне уңаеннан Белорус киносы көннәре узачак. Фильмнарны "Мир" кинотеатрында һәм Халыклар дуслыгы йортында күрсәтәчәкләр.