ЯҢАЛЫКЛАР

Татарстанда Бөек Ватан сугышына багышланган интернет-музей булдыру өстендә эш алып барыла.Республика мәктәпләрендә 900 гә якын каһарман-патриотик һәм төбәкне өйрәнү музее гамәлдә тора.

8 майда WorldSkills Russia-2014 II Милли чемпионатта катнашу өчен заявкалар кабул итү тәмамланды. Ул 16 майдан 20 майга кадәр Казан шәһәрендә үтәчәк. Чемпионатта катнашучылар, экспертлар һәм тим-лидерлар исемлеге әзерләнгән.

“IT-чемпион” республика бәйгесендә Татарстан районнарыннан 75 меңгә якын мәктәп укучысы катнаша. Мәктәп укучылары 85 меңнән артык татарстанлыны ТР Хезмәтләр порталы белән эшләргә өйрәтте.

Алабуга шәһәренең ике мәктәпкәчә учреждениесе «Иң яхшы билингваль балалар бакчасы» бәйгесенең муниципаль этабында җиңү яулады.

30-31 майда Төмән шәһәрендә “Төрки дөньяның мәдәни һәм этник күптөрлелеге” темасына “Сөләйманов укулары” XVII Бөтенроссия фәнни-гамәли конференциясе үткәрелә.

РФ Эчке эшләр министрлыгы интернетта бердәм дәүләт имтиханы материалларындагы биремнәргә дөрес дип саналган җавапларны таратучыларны җаваплылыкка тартачак. Мәгариф һәм фән өлкәсенә Күзәтчелек итү буенча федераль хезмәт интернет челтәрендә тикшерү үткәргән вакытта БДИ контроль бәяләү материаллары сорауларына җаваплар урын алган 300дән артык ресурсны ачыклаган.

 8 майда Татарстан Хөкүмәте йортында Татарстан Республикасы Президенты Рөстәм Миңнеханов 1941-1945 еллар Бөек Ватан сугышында Җиңүнең 70 еллыгына бәйрәм итүгә әзерлек һәм аны уздыру буенча республика оештыру комитеты утырышы уздырды.
Утырышта ТР Премьер-министры урынбасары- ТР мәгариф һәм фән министры Энгель Фәттахов үсеп килүче буынны тәрбияләүдә аерым әһәмияткә ия булган музей эшчәнлеген үстерергә чакырды.

Быел бердәм дәүләт имтиханына әзерлек чорындаТР Мәгариф һәм фән министрлыгы тарафыннан, укучыларны һәм аларның ата-аналарын БДИ турында мәгълүмат белән вакытында тәэмин итү өчен, бөтен районнарга һәм мәктәпләргә махсус материаллар эшләп таратылды.

24 апрельдән 26 апрельгә кадәр Санкт-Петербург шәһәрендә “Россиянең заманча мәктәпләренең проблемалары һәм перспективаларын үстерү” II нче Бөтенроссия белем бирү форумы һәм “Россиянең 100 иң яхшы мәктәбе” лауреаты бәйгесенең бүләкләү өлеше узды. Форумда Россиянең 900 белем бирү оешмалары (мәктәпләр, гимназияләр, лицейлар) катнашты.

Казан шәһәренең балалар техник иҗат үзәге базасында республика укучылары арасында гади судомодельләр ясау буенча шәхси-команда беренчелеге узды. 29 команда арасында Кукмара районының Поч.Сутер урта мәктәбе укучылары, беренче урынга чыгып, күчмә кубокка ия булды.