ЯҢАЛЫКЛАР

Соңгы вакытта республикада иң актуаль проблемаларның берсе – балалар бакчаларына бәяләр арту. Әлеге мәсьәлә ата-аналарны гына түгел, ә Татарстанның Дәүләт Советы депутатларын да борчый.

Бүгенге көндә мәктәп укучылары алдында, уку йортын тәмамлап чыккан вакытта, республиканың ике дәүләт телен һәм берничә чит телне белү бурычы тора. Чит телләрне өйрәнү, белү кирәклеген татар әдәбияты классигы, шагыйрь Дәрдемәндтән дә яхшырак әйтеп булмастыр, мөгаен. Бездә әлеге сүзләрне өлге итеп алып эшләүче уку йортларының булуы сөендерә.

2013 нче елның 21 нче октябрендә Казан шәһәре Яңа Савин районының аерым фәннәрне тирәнтен өйрәтүче 177 нче номерлы урта гомуми белем бирү мәктәбе базасында “Татарстан Республикасы педагогик бергәлегенең һөнәри үсеше кысаларында тьюторлык роленең артуы“ темасына республика семинары узды.

Әлмәт шәһәренең Яшьләр үзәгендә Әлмәт сәүдә-икътисад техникумы оешуга 45 ел тулу уңаеннан тантаналы чара булып узды. Бәйрәмгә Әлмәт муниципаль районы башлыгы урынбасары Наҗия Хәйдәрова, “УРС-Сәүдә йорты” ҖЧҖ директоры Марат Камалов, “Главнефтегазстройсервис” Идарә итүче компаниясе директоры урынбасары Ришат Мотыйгуллин, Азнакай районы “Туклану комбинаты” директоры Мансур Гафиятуллин, техникумның социаль партнерлары булган “ЭССЕН”, Район кулланучылар җәмгыяте, “Перекресток”, “Әлмәт икмәк заводы” һәм башка күп кенә җаваплылыгы чикләнгән җәмгыять вәкилләре килгән иде.

Казан федераль университетының Филология һәм сәнгать институтында 9-11 сыйныф укучылары өчен “Татарга тылмачлар кирәк!” (“Татарам нужны переводчики!”) II Республикакүләм олимпиадасының икенче туры үткәрелде. Беренче (читтән торып башкарыла торган) тур – 25 сентябрьдән – 10нчы октябрьгә кадәр узган иде. Анда Татарстан Республикасының төрле төбәкләреннән 627 укучы катнашты. Аерым алганда, Саба, Аксубай, Теләче, Балык бистәсе районнары мәктәп-гимназияләреннән эшләр күп килде, - дип билгеләп үтә оештыручылар.

Әгерҗе шәһәренең 3 нче мәктәбендә физик мөмкинлекләре чикләнгән балаларга уңайлы мохит тудыру өчен Татарстан Республикасы казнасыннан 2 миллион 178 мең сум акча бүлеп бирелгән. Биредә төзелеш эшләре ахырына якынлаша.

2013 елның 18 октябрендә Бөгелмә муниципаль районының 6 нчы гомуми белем бирү мәктәбендә математика укытучыларының «Математика фәненең торышы: проблемалар һәм аларны чишү юлларын табу» темасына республика семинары үткәрелде.

2013 елның 18 октябрендә педагогика һәм психология институты базасында “Хәзерге чорда Урта һөнәри белем бирүче уку йортларында Федераль дәүләт белем бирү стандартлары” темасына республика семинары үткәрелде.
Семинар эшендә катнашу өчен, Татарстан Республикасы Мәгариф һәм фән министрлыгыннан вәкилләр, урта һөнәри белем бирүче уку йортлары җитәкчеләре, уку-укыту, тәрбия, фәнни-методик эшләр буенча директор урынбасарлары чакырылган иде.

Татарстан Республикасы мәгариф һәм фән министрлыгы «Белем.ру» җаваплылыгы чикләнгән җәмгыяте, Татарстан Республикасы Мәдәният министрлыгы һәм Татнетны үстерү фонды белән берлектә туган телгә һәм гореф-гадәтләргә мәхәббәт тәрбияләү, интернет-технологияләр ярдәмендә татар телен һәм мәдәниятын саклау һәм үстерү, прогрессив белемле укытучылар, укучылар һәм гаиләләрне барлау максатында, «Белем җәүһәрләре» дип исемләнгән IV Бөтендөнья интернет-проектлар бәйгесе үткәрде. «Белем җәүһәрләре» бөтендөнья файдалы интернет-проектлар бәйгесе быел дүртенче мәртәбә татар интернетының иң яхшы һәм иң файдалы интернет-проектларын ачыклады. Җиде номинациядә үткәрелгән бәйгедә быел 68 интернет-проект катнашты. Алар арасыннан 34 проект финалга узды. Финалистларны һәм бәйгенең җиңүчеләрен бүләкләү тантанасы Г. Камал исемендәге Татар дәүләт академия театрында үтте. Чарада финалистлар һәм жюри әгъзалары, узган елларда «Белем җәүһәре» исемен яулаган интернет-проект авторлары, оештыруда ярдәм күрсәткән дәүләт оешмалары вәкилләре, дәүләт эшлеклеләре, танылган язучылар һәм җырчылар, Казан мәктәпләре укытучылары, журналистлар катнашты.