ЯҢАЛЫКЛАР

31 мартта Ульян шәһәренең Татар мәдәният үзәгендә Ульян өлкәсе татар яшьләренең IV төбәк форумы узачак. «Милләтебез хәзинәләре» дип аталган форумга Ульян шәһәре һәм Ульян төбәгенең яшьләр оешмасы вәкилләре җыела. Шулай ук, Татарстан һәм Россиянең башка төбәкләреннән дә кунаклар киләчәк.

Быелгы җәйдә Чаллы мәктәпләре яны лагерьларында барлыгы 9216 мәктәп баласы ял итәчәк, дип хәбәр итә “Челнинские известия” газетасы.

Татарстандагы ата-аналар көн саен балаларының мәктәптә өлгерешенә кагылышлы 70 меңгә якын смс-хәбәр ала. Республикада әлеге төр хезмәт “ТР да Электрон мәгариф” системасы кысаларында 2011 елдан күрсәтелә башлаган иде. Шул вакыттан бирле ата-аналарга телефон аша 4 млн га якын кыска хәбәр юлланган.

19 мартта Казанның 178 нче Мәгариф үзәгендә “2012 елда Татарстан Республикасы укытучысы” һөнәри бәйгесе тантаналы рәвештә ТР Мәгариф һәм фән министры Альберт Гыйльметдинов катнашында ачылачак.

Республика мәктәпләренең 7 – 11 сыйныфларында укучылар инде быелдан ук Казандагы югары уку йортына керә ала. Алар өчен мәктәп программасындагы дәресләрдән тыш, башкаладагы Кече филология һәм сәнгать институтында да белем алу мөмкинлеге тудырылды.

2012 елда Татарстан республикасы мәктәпләрендә 2,5 меңнән артык 9нчы сыйныф укучысы татар теленнән имтиханны ( дәүләт нәтиҗә аттестациясе-ГИА) яңа формада бирергә планлаштыра. Татарстан буенча 9 нчы сыйныфны тәмамлаучы укучыларның саны барлыгы 37 542 ,ә Казан шәһәре буенча 9 625 .

2012 нче елда Татарстанда БДИ үткәрү өчен 110 ИҮП ачылачак, шул исәптән 1 бер пункт (иректән мәхрүм ителгәннәр өчен) Минзәлә район базасында. Имтиханнарның үткәрелү барышын К(П)ФУ,Туполев исемендәге КФИТУ,КФИТУ,КДАУ,КДЭУ,КДВАМ,КДАТУ,КДМУ,КДУКһИ дан 200 дәүләт имтихан комиссиясе вәкиле һәм 124 җитәкче контрольдә тотачак. Имтихан үткәрү пуктларында 7 мең 330 оештыручы катнаша. БДИ да КИМ материалларының үзгәреше әйтелде.

Мәгариф һәм фән министрлыгы 2012 елда БДИ бирүнең вакытларын билгеләде. Имтиханны алдан бирергә теләүчеләр өчен рус теленнән - 20 апрель, чит тел, география, химия һәм тарихтан -23 апрель, математика - 26 апрель, информатика һәм ИКТ , биология, җәмгыять белеме, әдәбият һәм физика фәннәре буенча – 2 май көннәре билгеләнде .

Аның нигезендә РФ « Мәгариф турындагы » һәм «РФ субъектларында дәүләт хакимият нең закон чыгару һәм башкама органнарын оештырудагы гомуми принциплары турындагы »законның 263 маддәсенә үзгәрешләр кертеләчәк.

Белем системасын модернизацияләү максатыннан федераль бюджеттан барлыгы 120 млрд. сум акча бүленгән, төбәкләр аны 3 ел эчендә үзләштереп бетерергә планлаштыра.