"Белем" Россия җәмгыятенең "Лекторлар Лигасы" конкурсына 2500 артык гариза бирелгән
Ул аудитория белән уртаклашырга әзер булган төрле өлкәләрдәге талантлы лекторларны, профессионалларны эзләү, сайлап алу һәм ачыклауга юнәлдерелгән. Барлыгы 2553 уникаль гариза теркәлгән, проектның географиясе Россиянең 80 регионыннан 350-дән артык шәһәрне үз эченә алган. Иң активлар Мәскәү, Санкт-Петербург, Екатеринбург, Красноярск, Түбән Новгород һәм Ростов-на-Дону булды.
Лектор сыйфатында теләге булган һәркем үз көчләрен сынап карый алды, гаризалар сигез юнәлеш буенча кабул ителде: фән һәм технологияләр, мәдәният һәм сәнгать, карьера һәм бизнес, спорт һәм сәламәт яшәү рәвеше, экология һәм хәйрия, социаль-гуманитар фәннәр, табигый фәннәр, медиа һәм маркетинг.
Номинацияләр арасында социаль-гуманитар фәннәр, шулай ук карьера һәм бизнес аеруча популяр булган. Гариза бирүчеләр арасында-кандидатлар һәм фән докторлары, журналистлар, язучылар, мәдәният һәм сәнгать эшлеклеләре, иҗтимагый оешмалар вәкилләре, профессиональ спортчылар. Гаризаларның яртысыннан артыгы 18-35 яшьлек яшь лекторлардан килгән.