Татарстан Республикасының элеккеге мәгариф һәм фән министры Васил Гайфуллин 85 яшьлек юбилеен бәйрәм итте

2022 елның 23 марты, чәршәмбе

Бүген Татарстан Республикасы мәгариф һәм фән министры Илсур Һадиуллин Васил Габдулла улы Гайфуллинны 85 яшьлек юбилее белән котлады. 

Илсур Һадиуллин юбилярга “ТАССРның 100 еллыгы” медален һәм ТР Мәгариф һәм фән министрлыгының “Мактаулы остаз” билгесен тапшырды.

ТР Мәгариф һәм фән министрлыгының “Мактаулы остаз” билгесе белән шулай ук мәгариф системасы ветераннары: Гаденан Гыйльми улы Садриев, Радик Абдулла улы Зарипов һәм КФУның Психология һәм мәгариф институты профессоры Әнвәр Нуриәхмәт улы Хуҗиәхмәтов бүләкләнде.