БДИ: Эксперименттан алып бәяләүнең уникаль системасына кадәр
БДИ күп кенә кыенлыкларга җавап буларак барлыкка килде: мәктәптә нигезсез бәяләүләр (бер мәктәптәге “ бишле”, мәсәлән, икенчесендә “бишле”дән аерылып торды), югары уку йортларына керүнең үтә күренмәле булмаган системасы, "соры" сервислар, ерактан килүче укучылар өчен кыенлыклар. Ягъни, баштан ук старт шартлары укучылар өчен тигезсез булды.
Укучылар арасында чамадан тыш йөкләнеш бар иде: башта алар мәктәптә имтихан бирделәр, ә аннары аларны университетта 3-4 керү имтиханы көтә иде.
2001 елга уку казанышларын гомуми бәяләүнең бердәм системасы кирәклеге аңлашылды, ул үзендә йомгаклау аттестациясен дә, имтиханнарны да берләштерәчәк һәм имтиханда катнашучыларның барысы өчен дә тигез шартлар тәэмин итәчәк.
Эксперимент 2001 елда старт алды һәм 2008 елга кадәр дәвам итте: бердәм методология булдырырга, аттестация процедурасының барлык этапларын - имтихан үткәрү урыныннан алып нәтиҗәләрне эшкәртү системасына кадәр билгеләргә кирәк иде.
БДИ га кадәр, имтиханнарда төрле педагоглар укучыларның белемнәрен төрлечә бәяләгән: кайберәүләр төгәл җаваплар таләп иткән, икенчеләре исә өстән генә җавап биргән, ягъни субъективизм факторы булган.
Бүген бездә бердәм критериаль бәяләү системасы төзелде һәм эксперт бергәлеге белән даими эш алып барыла, әзерлек һәм укыту, Россия Федерациясенең барлык субъектлары предметлы комиссияләре экспертлары өчен квалификация сынаулары үткәрергә мөмкинлек бирә торган "БДИ эксперты" системасы бар.
Бу БДИ катнашучыларының ачык җавапларын бәяләүгә бердәм алымнар эшләү, субъектив бәяләрдән качу, ачык җаваплар буенча апелляция үткәрү һәм имтиханның объектив нәтиҗәләрен бирү мөмкинлеге бирә.
БДИ-2023 тә бернинди үзгәрешләр дә юк. Тагын бер кат искә төшерәсем килә: аттестация башланырга берничә ай кала БДИда үзгәрешләр турында сөйләшү әдәпсезлек.
Унберенче сыйныф укучылары һәм аларның педагоглары 1 сентябрьгә кадәр үк имтихан тотуда булган аз гына үзгәрешләр белән таныштылар. Процедураның үзендә барысы да ничек булса, шулай калды. Техник чаралар һәм видеокүзәтү - имтиханны объектив үткәрергә мөмкинлек бирә торган опцияләр, алар мәктәптә бөтен укыту дәвамында предметларны өйрәнгән БДИ катнашучыларның хокукларын һәм мөмкинлекләрен яклый.
Һәм мин барысына да имтиханнарга максималь тыныч әзерлек телим.