Алтай крае педагоглары делегациясе тәҗрибә уртаклашу өчен Түбән Камага килделәр
Түбән Камага эш визиты белән Алтай крае уку йортлары вәкилләре делегациясе килде. Максатлары мәгариф өлкәсендәге иң яхшы тәҗрибәләр белән уртаклашу.
Чарада шулай ук Татарстан Мәгариф һәм фән министрлыгы вәкилләре, Түбән Кама мәгариф идарәсе башлыгы Айдар Гарифуллин, шәһәр уку йортлары һәм предприятиеләре җитәкчеләре катнашты. “Безнең район мәгариф системасын туксан балалар бакчасы тәкъдим итә, анда 15 меңнән артык бала һәм алтмыш мәктәптә 33,5 мең бала белем ала, шулай ук тугыз ссуз һәм югары уку йортларының ике филиалы бар”, - дип билгеләп үтте сәламләү сүзендә Айдар Гарифуллин.
Катнашучылар Евгений Королёв исемендәге политехника көллиятендә булды. Кунакларга алар Түбән Кама тарихы һәм уку йорты турында сөйләделәр. Аннары кунакларны түгәрәк өстәлгә чакырдылар. Көллият директоры Татьяна Куприянова хезмәттәшләренә учреждение эш системасын тәкъдир итте.