Буа шәһәрендә “Сайлау осталыгы: хыялдан һөнәргә кадәр” республика семинар-киңәшмәсе узды
16 декабрьдә Буа шәһәренең академик Р.З. Сәгъдиев исемендәге урта гомуми белем бирү мәктәбендә «Сайлау осталыгы: хыялдан һөнәргә кадәр» темасына республика семинары узды. Чара 2030 елга кадәр «Уңыш» алдан профильле әзерлек һәм укыту системасын үстерү концепциясен гамәлгә ашыру кысаларында үткәрелде.
Семинарда Татарстанның 7 муниципаль районыннан - Апас, Буа, Югары Ослан, Чүпрәле, Яшел Үзән, Кайбыч һәм Кама Тамагы районнарыннан методистлар, мәгариф оешмалары җитәкчеләре һәм директорлар урынбасарлары катнашты.
Чараның программасы берничә блокны үз эченә алды. Уку өлеше кысаларында мәктәп предметларының төрле һөнәрләр белән бәйләнешен күрсәтүче интеграцияләнгән ачык дәресләр узды.
Семинар «Траектория-2030» стратегик питч-сессиясе белән тәмамланды, анда республика районнары вәкилләре һөнәри юнәлеш бирү эшенең уңышлы тәҗрибәләре белән уртаклаштылар.
Әлеге чара “Яшьләр һәм балалар” илкүләм проекты кысаларында төрле мәгариф учреждениеләре көчләрен берләштерүче һәм укучыларга булачак һөнәрне аңлы рәвештә сайларга ярдәм итүче системалы һөнәри юнәлеш эшенең нәтиҗәлелеген күрсәтте.