ЯҢАЛЫКЛАР
Бүген Казанда беренче тапкыр Студентлар лигасы Бөтенроссия фестивале узды. Ярышларны Идел буе спорт һәм туризм университеты объектларының берсе - Су спорт төрләре сарае кабул итте.
25-26 ноябрьдә Казанда мөмкинлекләре чикләнгән балалар өчен Е.Г. Ласточкина исемендәге Казан интернат-мәктәбе төзелүгә 135 ел тулуга һәм «Бөтенроссия чукраклар җәмгыяте» Татар төбәк бүлекчәсе төзелүгә 95 ел тулуга багышланган чаралар кысаларында ишетү сәләтен бозып укыту, тәрбияләү, балаларны һәм яшьләрне интеграцияләү мәсьәләләре буенча республика конференциясе уза.
"Мин "Артеке"та" сменасына беренче тапкыр мәктәп укучысы булып килергә теләгән идем, ләкин тыгыз график аркасында барып чыкмады. Минем танышларым монда вожатый һәм балалар иде, уңай бәяләмәләр генә. Монда барысы да бик ошый, - ди Данил Сибгатуллин. - "Артек"та күзләрендә дәрт янган актив балалар катнаша. Алар белән аралашырга һәм сорауларга җавап бирергә кызык булды".
Тәтеш дәүләт гражданнар яклау көллияте базасында 7 декабрьдә “Техносфера иминлеге һәм табигать төзеклеге” берләштерелгән төркеме буенча һөнәри осталыкның төбәкара олимпиадасы узачак.
25 ноябрьдә Татарстан Халыклар дуслыгы йортында "Сәйяр" балалар яшүсмерләр театрларының республика фестивале җиңүчеләрен һәм призерларын бүләкләү тантанасы булды.
Мәскәүдә Мәскәү педагогик дәүләт университеты (МПГУ) мәйданчыгында Россия Мәгариф министрлыгы коллегиясе утырышы узды. Анда Россиядә педагогик кадрлар әзерләү системасын үстерү мәсьәләләре, махсус (дефектологик) һәм психологик-педагогик белем бирүнең торышы һәм перспективалары, шулай ук педагогик хезмәткәрләрне һәм идарәче кадрларны фәнни-методик озата баруның бердәм федераль системасын үстерү каралды.
Кыш Бабайның махсус поезды Бөек Устюгтан 5 декабрьдә китәчәк һәм 36 Россия шәһәрендә, шул исәптән Казанда да, тукталышлар ясаячак.
Татарстанда авыл мәктәпләрен һәм милли мәгариф оешмаларын саклап калу бурычы куела. Бу хакта ТР Дәүләт Советының 27 нче утырышында ТР мәгариф һәм фән министры Илсур Һадиуллин белдерде.
Түбән белем бирү нәтиҗәләре булган мәктәпләргә ярдәм күрсәтү буенча "500+" проекты Россиянең гомуми белем сыйфаты буенча дөньяның иң яхшы илләре унлыгына керүе максатына ирешү өчен уңай нәтиҗә күрсәтә. Бу хакта Россия мәктәпләрендә белем бирү сыйфатын бәяләүгә багышланган матбугат конференциясендә катнашучылар сөйләде.
24 ноябрьдә эфирга "Пит-стоп!" дип исемләнгән яңа ачык онлайн-дәрес чыкты. Катнашучылар һәм тамашачылар автомобиль сәнәгате һөнәрләре белән таныштылар, авторемонт буенча экспертлардан киңәшләр алдылар һәм «Тимер ремонт остасы» белгечлеге буенча укуның кайда үтүен белделәр. Проект Россия Мәгариф министрлыгы тарафыннан тәкъдим ителгән.