ЯҢАЛЫКЛАР
РФ Президенты Владимир Путин хөкүмәткә төбәкләрдә югары белем бирү системасын модернизацияләү буенча чаралар комплексын эшләүне йөкләде һәм "буш" югары уку йортларны ябуны таләп итте.
Россия Мәгариф министрлыгы мәктәп аттестатларын махсус QR-код белән билгеләргә тәкъдим итә. Мондый адым ялган документлар пәйда булудан саклап калачак. Иҗтимагый тыңлауларда фикер алышыр өчен мондый проект булдырылган.
Президент Россиядә чит ил студентларын эшкә урнаштыруны гадиләштерүче канунны имзалады.
6 февральда Казан шәһәренең 93нче гимназиясендә Россиядә 2020 елда хәтер һәм дан елын уздыруга багышланган «Без срока давности» мәктәп укучылары арасында үткәрелгән Бөтенроссия иншалар конкурсының төбәк этабы җиңүчеләрен бүләкләү тантанасы узды.
7 февральда Казан федераль университетында 2018- 2019 уку елы нәтиҗәләре буенча Татарстан Республикасының махсус дәүләт стипендиясенә лаек булган 90 студент бүләкләнәчәк.
Татарстанда «Ел укытучысы-2020» Бөтенроссия конкурсы төбәк этабының зона этабы дәвам итә. 3-4 февральдә Алабугада 8 урта мәктәп базасында Алабуга, Питрәч, Мамадыш, Балык Бистәсе һәм Саба районнарының муниципаль этапларында җиңүчеләр «Ел укытучысы» һәм «Педагогик дебют» номинацияләрендә үз дәресләрен һәм мастер-классларын тәкъдим итте.
31 гыйнварда Бакый Урманче исемендәге 2 нче гимназиядә Алабуга, Актаныш, Әгерҗе, Зәй, Менделеевск, Минзәлә,Тукай, Түбән Кама муницпаль районнары һәм Яр Чаллы шәһәренең туган тел һәм әдәбияты укытучылары зона семинар-киңәшмәсе узды.
2020 елда РФ Мәгариф министрлыгы урта һөнәри белем бирү системасына финанс һәм методик ярдәм күрсәтүне көчәйтергә планлаштыра.
30 гыйнварда Татарстан Республикасы Мәгариф һәм фән министрлыгы Татарстан Республикасы Мәгарифне үстерү институты, Казан шәһәре Мәгариф идарәсе белән берлектә гомуми белем бирү оешмалары педагог-психологларының республика киңәшмәсен үткәрде.
3 мартта Алабугада Бөек Ватан сугышында Җиңүнең 75 еллыгына һәм ТАССР төзелүнең 100 еллыгына багышланган “Аларның исемнәре Россия данын танытты” IX Республика фәнни-гамәли конференциясе узачак.