ЯҢАЛЫКЛАР
7 нче февральдә «Компьютер иле» XXIII Халыкара ачык фестиваленең дистанцион туры старт ала, ул Идел буе шәһәрләре ассоциациясе тарафыннан үткәрелә. Катнашырга 4 - 11 нче сыйныф укучылары, шулай ук аларның педагоглары чакырыла.
2019 елның 1нче февраленнән 28нче февраленә кадәр Татарстан Республикасы Милли музее һәм аның филиаллары «Укучының мәдәни көндәлеге» Республика мәдәни-белем бирү проектын гамәлгә ашыру кысаларында Казан шәһәре һәм Татарстан Республикасы гомуми белем бирү учреждениеләренең башлангыч сыйныф укучылары өчен"Тизрәк, музейга!” акциясен уздыра.
5нче февральдә Мәскәү шәһәре Хакимиятендә Россия Федерациясенең Мәгариф һәм фән өлкәсендә күзәтчелек буенча федераль хезмәте һәм Мәскәү шәһәре Хакимияте тарафыннан оештырылган өченче халыкара конференция уза.
Химия буенча БДИда катнашучылар арасында югары балл җыючылар саны арта. Чыгарылыш сыйныф укучылары традицион биремнәрне уңышлы үтәделәр, әмма имтихан эшләренең кайбер биремнәре җитди кыенлыклар уята.
Республика мәктәптән тыш эшләр үзәге «Методик десант» кысаларында «Һөнәри стандартларны гамәлгә кертү шартларында өстәмә гомуми белем бирү программаларын тормышка ашыру эчтәлеген һәм технологияләрен яңарту " темасына семинар үткәрде. Чара Түбән Кама районының техник иҗат һәм һөнәри юнәлеш бирү үзәгендә узды.
КФУның IT-лицее укучылары Казан федераль университеты ректоры Илшат Гафуровка үз проектларын тәкъдим иттеләр. Алар арасында янгыннарны ачыклау өчен Silvan Project инновацион системасы да бар. Әлеге эшләнмәнең актуальлеге турында мәгълүмати эш буенча директор урынбасары, фәнни җитәкче Вадим Гуськов сөйләде.
Булачак беренче сыйныф укучыларының әти-әниләренең күпсанлы мөрәҗәгатьләре белән бәйле рәвештә сезгә мәктәпкә язылу кагыйдәләре һәм тәртибе турында исегезгә төшерәбез. Баланы 1нче сыйныфка язу өчен ата-аналар беренче сыйныфларга кабул итүне оештыру комиссиясенең эш графигын төгәл белешеп, мәктәпкә 1нче февральдән һәм алдагы көннәрдә килергә мөмкин. Моннан тыш, Татарстан Республикасы дәүләт һәм муниципаль хезмәтләр порталында гариза тутырып, Интернет аша да язылырга мөмкин.
2019 елның 31нче гыйнварыннан 3нче февраленә кадәр Казанда математика буенча бөтенроссия олимпиадасының республика һәм региональ этабы, шулай ук Л. Эйлер исемендәге XI математика олимпиадасының региональ этабы узды.
2019 елның 29нчы гыйнварыннан 1нче февраленә кадәр технология буенча мәктәп укучыларының бөтенроссия олимпиадасының республика һәм региональ этабы уздырылды.
Беренче тапкыр Азнакайда 1 нче урта мәктәп базасында "Ел укытучысы-2019” бөтенроссия конкурсы һәм "2019 елда иң яхшы татар теле укытучысы” республика конкурсының зона этаплары узды.