ЯҢАЛЫКЛАР

2015 елның 3 августында Актаныш районына эшлекле сәфәре барышында Татарстан Республикасы Президенты вазыйфаларын вакытлыча башкаручы Рөстәм Миңнеханов 140 урынлык яңа “Тылсым” балалар бакчасын ачу тантанасында катнашты. Аны Татарстан Республикасы Премьер-министры урынбасары – мәгариф һәм фән министры Энгель Фәттахов һәм Актаныш муниципаль районы башлыгы Фаил Камаев озата йөрде.
Объект “Бәләкәч” президент программасы кысаларында төзелде.

2015 елның 31 июлендә Татарстан Республикасының Биектау районында урнашкан “Костер” республикакүләм балаларны сәламәтләндерү һәм белем бирү үзәгендә I балалар һәм ата-аналар сменасы ачылды. Лагерьгә Казан шәһәрендә, Яшел үзән һәм Питрәч районнарында яшәүче алмаш гаиләләр килде.

Түбән Кама шәһәренең 31нче торак комплексында 260 урынлы, шулай ук Ташлык һәм Городище авылларында һәрберсе 50 баланы кабул итерлек балалар бакчалары ачылачак. Мәктәпкәчә белем бирү оешмалары Түбән Кама районында президент программасы кысаларынңа төзелә.  Татарстан Республикасы бюджетыннан балалар бакчалары төзелеше өчен 200 млн акча бүлеп бирелгән. 

2015 елның 31 июленнән 6 нчы авгуска кадәр «Костер» республика балаларга белем бирү-сәламәтләндерү үзәге базасында чуваш балалары өчен профиль смена эшли. Лагерьда республиканың 17 районыннан: Аксубай, Алексеевск, Апас, Әлки, Әлмәт, Баулы, Буа, Чүпрәле, Кайбыч, Лениногорск, Түбән Кама, Яр Чаллы, Яңа Чишмә, Норлат, Спасс, Тәтеш, Чистайдан килгән 70 укучы ана теле буенча белемен арттыра һәм ял итә.

Алабуга шәһәрендә мәктәпкәчә белем бирү оешмалары эшчәнлеге нәтиҗәлелеге мониторынгыннан чыгып иң яхшы балалар бакчалары билгеләнгән. Алар - 30нчы, 28нче, 35нче, 26нчы, 22нче, 27нче һәм 25нче номерлы балалар бакчалары. Авыл җирлегендәге балалар бакчалары арасында Бихтерево, Танаево, Тарловка, Иске Юраш, Морты авыллары балалар бакчалары югары бәягә лаеклы дип табылган.

2015 елның 1 июленнән 31 июленә кадәрге вакыт аралыгында Татарстан Мәгариф һәм фән министрлыгының Мәгариф өлкәсендә күзәтчелек һәм контроль департаментына 46 мөрәҗәгать кабул ителде, шул исәптән 2 мөрәҗәгать ришвәтчелек очраклары турында.

3-нче август көнне Татарстан Республикасының Актаныш районында II Төбәкара интеллектуаль иҗат «Агыйдел» яшьләр форумы старт алды. Смена 3-9-нчы август аралыгында үтәчәк, интеллектуаль иҗат һәм проект эшчәнлеге белән шөгыльләнүче яшьләрне үзенә берләштерер дип көтелә. Форум Татарстан Республикасының фән һәм мәгариф министрлыгы, Татарстан Республикасының яшьләр иҗтимагый «Сәләт» Фонды тарафыннан чынга ашырыла.

2015 елның 3 августыннан 9 августына кадәр Актаныш районында «Агыйдел» II Төбакара балалар һәм яшүсмерләрнең иҗади-интеллектуаль форумы узачак. Форумда Татарстан, Башкортостан, Кыргызстан, Марий Эл, Удмуртия Республикалары, Самара, Киров, Оренбург, Ульян өлкәләре һәм Пермь краеннан килгән 300 гә якын сәләтле укучы катнаша.

Татарстанда “Үз мәктәбеңә ярдәм ит!” хәйрия акциясе дәвам итә. Бүгенге көндә акциядә 1016 иганәче катнашкан. Алар Татарстан Республикасының 40 муниципаль районында 420 гомумибелем бирү оешмасына ярдәм күрсәткән.