ЯҢАЛЫКЛАР

27 нче февральдән 1 нче мартка кадәр Татарстан Республикасы Буа районының 6 нчы номерлы сәләтле балалар өчен лицей-интернатында «Сәләт» клубы эшчәнлеген тәкъдим итү семинары үтте.

Сарман районы Мортыш-Тамак, Ләке, Катыш-Каран һәм Карашай-Саклау мәктәпләре укучыларына сәламәт яшәү рәвеше буенча роликлар һәм наркоманияга каршы көрәш турында «Дурь» кинофильмы күрсәтелде.

2015 елның 28 февраленнән 1 мартына кадәр Яр Чаллы шәһәрендә "Кояш балалары" III Республикакүләм модельләр һәм фотомодельләр конкурсы узды. Конкурста Россиянең төрле төбәкләреннән килгән 250 бала катнашты.

Бүген Татарстанның чыгарылыш сыйныфта белем алучы 100 укучысы чит телләр буенча телдән БДИ тапшыра.
Татарстанда чит телләр буенча телдән имтихан Казанда һәм Чаллыда уза. Республика башкаласында бу процедурада 40 кеше катнаша, аларның 30 ы инглиз теленнән телдән имтихан бирә, 5 е - француз теленнән, 5 е – немец теленнән; Чаллыда – 60.

Татарстан Республикасы Премьер-министры урынбасары - мәгариф һәм фән министры Энгель Фәттахов Балтач бистәсенең 5нче номерлы “Сөенеч” балалар бакчасы белән танышты.
Балалар белән аралашып, аларның чыгышларын тамаша кылды. Инглиз һәм рус теле укыту төркемнәрендә сабыйлар кунакларны инглиз телендә сәламләп каршы алдылар.

Казанда Яңа Савин районының 85нче мәктәбеннән химия укытучысы Наталья Смирнова елның иң яхшы укытучысы дип табылды. Ул шәһәр конкурсының абсолют җиңүчесе булды, аңа нәтиҗәләр бүген Казан ратушасында чыгарылды.

2015нче елның 26-27 февралендә Бөгелмә шәһәрендә көллият һәм техникум студентлары арасында үткәрелә торган II Спартакиаданың кышкы этабы финалы узачак. Программага чаңгыда узышу, хоккей, өстәл теннисы, мини-футбол һәм шорт-трек буенча ярышлар кергән. 

Электән килгән күркәм традицияне дәвам итеп, мәктәп укучылары арасында быел да Муса Җәлил шигырьләрен сәнгатьле уку бәйгесе оештырылды. Музей җитәкчесе Альмира Галиәхмәтова каһарман шагыйрьнең тормышы, иҗаты һәм батырлыгы турында сөйләде. Аның чыгышы презентация белән үрелеп барды (бай мәгълүмат бистә китапханәсе хезмәткәрләре белән берлектә әзерләнгән). “Җәлилнефть” идарәсе һәм бистә делегациясенең Мостафа авылына һәм Мәскәү шәһәренә сәяхәтен экраннан күрү бик күңелле булды. Балалар Муса Җәлилнең гаилә әгъзалары турында да хәбәрдар булдылар.

Казан федераль университеты базасында чит илләр студентларының Colours of the world at KFU өченче фестивале узды. Атна дәвамында һәр теләгән кешенең чит илләрнең милли традицияләре белән танышу мөмкинлеге бар иде.