ЯҢАЛЫКЛАР

27 октябрьдән 30 октябрьгә кадәр Россия Федерациясенең барлык мәктәпләрендә дә Интернет челтәрендә куркынычсызлык турында бердәй дәресләр уза.
Мәгариф хезмәткәрләренең квалификациясен арттыру һәм профессиональ әзерләү академиясе тарафыннан әзерләнгән методик тәкъдимнәр академия сайтында “Тәкъдим итәбез” дип аталган бүлектә урнаштырылган http://www.apkpro.ru/content/category/34/113/.

24-26 октябрьдә “Костер” республика балаларга белем бирү-сәламәтләндерү үзәге базасында Татарстан яшь биологларының IV Республика турниры узды. Бөтенроссия турнирының региональ этабы булган ярышларда 8-11 сыйныф укучылары катнашты.

Татар телле интернетны кулланучылар арабызда шактый. Быел интернет киңлекләрендә .tatar доменын башлап җибәрү дә аларның санын арттырырга булышыр. Бөтендөнья пәрәвезендәге татарча проектларны барлап килә торган “Белем җәүһәрләре” конкурсы быел да бу өлкәдә яхшы нәтиҗә күрсәткәннәрне барлады.
Бүген Г. Камал исемендәге Татар дәүләт академия театрында V дөньякүләм “Белем җәүһәрләре” бәйгесенең җиңүчеләрен бүләкләделәр. Әлеге бәйгенең максаты – татар интернетында яхшы сайтлар булдыру, аларның авторларын таныту, татар интернетын ныгыту.

Әтнә районының Түбән Көек урта мәктәбенең сайты "Белем җәүһәрләре" V Бөтендөнья интернет-проектлар бәйгесендә "Урта белем учереждениесе – җәүһәрләр чыганагы" номинациясендә беренче дәрәҗә диплом белән бүләкләнде.

“Казан” агросәнәгать паркында узган мәгариф учрежде­ниеләре ярминкәсендә республиканың баш педагогы Энгель Фәттахов мәктәпләрдә тәҗрибә участоклары булдыру турында белдергән иде. Бу очракта балалар хезмәтне сөяргә өйрәнәчәк, ә җитеш­тергән продукция өстәмә керем алу мөмкинлеге бирә. 

24 октябрьдә Казан радиомеханика көллиятендә “Киләчәк безнең кулларда!” республикакүләм фәнни-тикшеренү конкурсы үтте. Конкурсның төп максаты – студентлар арасында фән һәм техника казанышларын, аларның фәнни-тикшеренү эшчәнлегендә активлаштыру өчен фәнни белемнәрне популярлаштыру, фәнни-тикшеренү эшләренең сыйфатын яхшырту, сәләтле һәм иҗади актив студентларны барлау һәм аларга үсергә ярдәм итү, студентларның фәнни-тикшеренү сәләтләрен үстерү һәм аларда үз һөнәрләренә карата  кызыксыну уяту.