ЯҢАЛЫКЛАР

Хәзерге вакытта Азнакай муниципаль районының мәгариф системасында 1349 педагог эшли. Шуның 301е – югары, 910 ы беренче категориягә ия. Яшь белгечләр бары 1,7 процент кына. Быел район педагоглары алдына укыту процессында югары нәтиҗәле технологияләр куллану, мәгариф учреждениеләрендә яшь белгечләрнең санын арттыру, балаларның техник иҗатын үстерү мәйданчыклары булдыру, физик мөмкинлекләре чикләнгән балаларны укыту өчен шартлар тудыру, балаларны ике дәүләт телендә укытуның сыйфатын яхшырту, 3 яшькә кадәр сабыйларны балалар бакчасы белән тулысынча тәэмин итү һәм алгарышка илтә торган башка шундый мөһим бурычлар куелган.

Танылган тел галиме, Татарстан Фәннәр академиясе академигы, КФУның шәрәфле профессоры, филология фәннәре докторы Рүзәл Габдуллаҗан улы Йосыповка 75 яшь тулды. Шушы вакыйга уңаеннан, 20 сентябрьдә Казан федераль университетының Филология һәм сәнгать институтында Рүзәл әфәндене хөрмәтләү тантанасы узды.

– Казаннан еракта урнашкан кечкенә авыллардагы укучыларга да шәһәрдәге яшь-тәшләре кебек үк бертөрле мөмкинлекләр тудырылган. Шунысы кызык: аеруча зур шәһәрләрдән читтәге укытучылар өстәмә чыганак буларак, мәгълүмати-технологияләрне күбрәк куллана. Бүген компьютерны укытучылардан да яхшырак белгән, социаль челтәрләрдә “яшәгән” укучылар замана техникасының Twitter, Facebook, ”ВКонтакте” гына түгел, биология, химия һәм башка фәннәрдән белемнәр дә кирәк икәнен яхшы аңлый, – дип сөйләде конференциядә катнашкан ТР Премьер-министры Илдар Халиков. ТР Премьер-министры урынбасары – мәгълүмат һәм элемтә министры Роман Шәйхетдинов белдергәнчә, республикада укучылар арасында уздырыла торган “IT-чемпион” бәйгесенең файдасы зур. Алар дәүләт порталы аша әти-әниләрен коммуналь түләүләрне түләргә өйрәтеп, баллар җыя.

Казанда 16-17 сентябрь көннәрендә уза торган “Электрон мәктәп 2013” икенче халыкара конференциясе Россия, АКШ, Корея, Англия, Украина, Казахстан белгечләрен җыйды. Җыен эшендә ТР Премьер-министры Илдар Халиков, Intel корпорациясе вице-президенты Джон Е.Дейвис, ТР Премьер-министры урынбасары – ТР Мәгариф һәм фән министры вазыйфаларын башкаручы Энгель Фәттахов, ТР Премьер-министры урынбасары – ТР Мәгълүматлаштыру һәм элемтә министры Роман Шәйхетдинов катнашты.

Студентларны яңа уку елы «шатлыклы» хәбәр белән каршы алды: 1 сентябрьдән тулай торак өчен түләүләр барлык чикләүләрдән арыначак. Элек түләүнең бәясе стипендиянең биш процентын тәшкил итсә, хәзер ул төбәккә яки уку йортының үз сәясәтенә карап, төптән үзгәрәчәк.

Быел Азнакай муниципаль районындагы 4 мәктәптә республика программасы буенча 75 млн сумлык капиталь ремонт үткәрелгән. Бу эшләргә җирле бюджеттан да 15 миллион сум бирелгән. Шулай ук Бирючевка балалар бакчасында, Карамалы, Татшуган авыллары мәктәпләрендә ремонт эшләре башкарылган. Шәһәрнең 10 нчы, Тымытык авылы балалар бакчаларының, Актүбә 2 нче урта мәктәбенең түбәләре алыштырылган.

ТР Премьер-министры Илдар Халиков ТР Яшел Үзән районының 1 нче номерлы Васильево кадет мәктәбендә булды.
Аны ТР Премьер-министры урынбасары вазыйфасын башкаручы – ТР мәгариф һәм фән министры Энгель Фәттахов, ТР буенча Баш федераль инспектор Ренат Тимерҗанов һәм кадет мәктәбе директоры Галина Зайцева озата барды.

Азнакай муниципаль районында быел 655 бала өчен беренче кыңгырау чыңлады. Узган елга караганда быел беренче сыйныфка баручылар саны кырыкка күбрәк.
Сарлы, Чалпы мәктәпләре һәм 4 нче лицей кебек, 8 нче мәктәп тә быел капиталь ремонт кичерде һәм укучыларны яңарып, төзекләнеп каршы алды.