ЯҢАЛЫКЛАР

Зәй шәһәренең ишегалды лагерьларында икенче сменада эш башланды. Июнь ае дәвамында 2 ишегалды лагеренда 200гә якын баланы мәшгуль итү мөмкин булган.

Сарман муниципаль районында республика программасы кысаларында Сарман гимназиясе, Сарман һәм Петровка Завод урта мәктәпләрендә капиталь төзекләндерү эшләре бара. Моның өчен 39 миллион 572 мең сум акча бүленгән.

Түбән Камада киләсе уку елы өчен мәктәпкәчә тәрбия учреждениеләрендә төркемнәрне формалаштыру эшләре бара. Барлыгы 178 төркем ачу планлаштырыла, аларда 3500 бала тәрбия алачак.
“Электрон балалар бакчасы” системасында 6500дән артык бала теркәлгән. Июльнең беренче тугыз көнендә балалар бакчаларына 3307 бала урнаштырылган.

“Мин монда проблема күрмим. Юк җирдә проблема ясамаска кирәк”, - дип җавап бирде ТР Мәгариф һәм фән министры Энгель Фәттахов “Татар-информ” мәгълүмат агентлыгы хәбәрчесенең укучы кызларның мәктәпкә яулык бәйләп бару мөмкинлеге турындагы соравына җавап биреп.

Хәзерге вакытта ТР Мәгариф һәм фән министрлыгы тарафыннан федераль исемлеккә кергән 485 исемдәге дәреслек 600 921 данә күләмендә сатып алынган. Гомумән алганда, 1 млн. 330 данә китапка заказ бирелгән. Республиканың үз дәреслекләре 200 380 комплект күләмендә (47 исемдә) сатып алынган.

Бердәм дәүләт имтиханын тапшыруның өстәмә этабы башланды. Төрле сәбәпләр белән төп дулкынга эләгә алмаучылар сынауны 8-18 июль көннәрендә тапшыра ала.

Кукмара муниципаль районының Мәчкәрә урта мәктәбендә инде яз көне башланган капиталь ремонт тулы көчкә дәвам итә. Бүгенгә ике катлы бинаның тәрәзәләрен алмаштыру бара, түбәнең ярты өлеше ябылып беткән.

Әлмәттә быел 9 гомумбелем бирү мәктәбенә һәм 1 коррекция мәктәбенә капиталь ремонт ясала. Моның өчен средстволар шәһәрнең 60 еллыгы уңаеннан республика бюджетыннан бүлеп бирелгән.

Лениногорскида капиталь ремонт дәвам итә. Бүгенге көндә райондагы алты мәктәптә капиталь ремонт бара. Алар – 5нче, 7нче, 8нче, 10нчы, Тимәш һәм Иске Писмән мәктәбе.
Капиталь ремонт программасы нигезендә, түбә ремонтлау, тәрәзәләрне алыштыру, эчке ишекләрен алыштыру, эчке коммуникация, санузел, фасадны ремонтлау кебек эшләр каралган.

Ростов, Липецк, Курск, Түбән Новгород өлкәләрендә, Әстерханда, Мәскәүдә менингит белән авыручыларның артып китүе күзәтелә. Татарстанда әлегә энтровируслы инфекцияләр йоктыру очраклары ачыкланмаган. Шулай да бу чир республика территориясендә таралмасын өчен кисәтү чаралары күрелә.