ЯҢАЛЫКЛАР
20 июльгә кадәр Милли технологик инициативаның (МТИ) Түгәрәк хәрәкәте технологик түгәрәкләрнең 2021 елгы Бөтенроссия конкурсына гаризалар кабул итүне озайтты. Конкурсны оештыручы булып «Платформа НТИ», Стратегик инициативалар агентлыгы һәм «Точки кипения» үзәкләре челтәре ярдәмендә Россия мәгариф министрлыгы белән берлектә НТИның Түгәрәк хәрәкәте тора.
Бүген Дәүләт Советында Казан шәһәренең 175 нче гимназиясен тәмамлаучыларга аттестатлар тапшыру тантанасы узды. Чыгарылыш укучылары һәм аларның ата-аналары тормышында мөһим чараны парламентта уздыру тәкъдиме белән "Мәрхәмәт-Милосердие" хатын-кыз депутатлар берләшмәсе чыккан иде. Депутатлар кулыннан 28 егет һәм кыз аттестат алды.
Биш ел эчендә Казан дәүләт энергетика университеты абитуриентлары өчен бюджет урыннары саны ике тапкыр диярлек арткан. Быел вуз 1451 бюджет урынына кабул итүне игълан итте. Бу хакта журналистларга матбугат конференциясендә КДЭУ ректоры Эдвард Абдуллаҗанов хәбәр итте.
Мәгариф системасы педагогик хезмәткәрләренең август киңәшмәсе кысаларында 2021 елның 29 июнендә Лаеш техник-икътисадый техникумы базасында һөнәри белем бирү секциясе узачак. Аның темасы: «Һөнәри белем һәм хезмәт базары: яңа икътисад өчен заманча кадрлар».
29 июнь кайбер фәннәр буенча БДИ уздыру өчен резерв көн булып тора.
Түбән Камада мәгариф һәм фән хезмәткәрләренең «Балаларга өстәмә белем бирүне үстерүнең перспектив модельләре. Актуаль мәсьәләләр» исеме астында август киңәшмәсенең секциясе утырышы узды.
Мәгариф системасының педагогик хезмәткәрләренең август киңәшмәсе кысаларында 29 июньдә Чистайның 2 нче лицей базасында мәгариф хезмәткәрләренең «Мәктәпкәчә белем бирүне үстерү ресурсы буларак, инновацион практикалар» темасына республика август киңәшмәсе секциясе узды.
Татарстан Президенты Рөстәм Миңнеханов В.Е. Алемасов исемендәге Татарстан Республикасы Дәүләт премиясен өч яшь галимгә бирү турындагы указга кул куйды. Документ республиканың рәсми порталында урнаштырылган.
Казанның 102 нче гимназиясе укучысы Камилла Гатина химия һәм рус теле буенча БДИ 100 баллга тапшырды.
Татарстанның Питрәч районы Көек авылында балаларны илкүләм проект буенча төзелә торган мәктәпкә алып бару өчен мәктәп маршрутлары булдыру планлаштырыла. Район башлыгы Илһам Кашапов авыл территориясенә чыкты, алда торган эшнең масштабын бәяләде.