ЯҢАЛЫКЛАР
Конкурс 25 июльдә (июльнең соңгы якшәмбесе) «Без бөек держава өчен " Бөтенроссия музыкаль проекты кысаларында үткәрелә һәм хәрби-диңгез флоты көненә багышланган. Анда катнашу өчен дөньяның барлык ил гражданнары, сәләтле балалар, яшүсмерләр, иҗади яшьләр һәм 3 яшьтән өлкәнрәкләр чакырыла.
Н.Фешин исемендәге Казан сәнгать училищесы укучылары Казан шәһәренең Азык-төлек һәм социаль туклану департаменты генераль директоры Рима Мөхәммәтшинага мәктәп ашханәләренең үз дизайн-проектларын тәкъдим иттеләр, дип хәбәр ителә Казанның азык-төлек һәм социаль туклану департаментының рәсми сайтында.
2021 елда мәктәпне тәмамлаучыларның 42%ы БДИга 10 сыйныфта яки аннан да иртәрәк әзерләнә башлаган. Өчтән бере – 2020 елның август-сентябрендә, ягъни, асылда, 11 сыйныфның башында. Уннан бер өлеше әзерлеккә берничә ай элек кенә керешкән, ә сораштырылучыларның 3% ы БДИга бөтенләй әзерләнмәгәнлеген белдергән.
Лениногорск районының бай тарихы белән танышу, эзләүчеләрнең хыяллары — нефть табарга тырышу булган чорларга күмелү – каникулларның менә дигән башлангычы. Лениногорск балалар йортында тәрбияләнүчеләр өчен җәй учреждениенең Химаячеләр советының хәйрия проектының беренче этабы кысаларында туган як тарихын өйрәнү буенча башланып китте.
Россия Федерациясе Хөкүмәтенең контроль (күзәтчелек) реформасын гамәлгә ашыруга юнәлтелгән гамәлләрен тормышка ашыру кысаларында Россия Икътисади үсеш министрлыгы эшкуарлар тарафыннан контрольлек (күзәтчелек) органнары карарларына электрон судка кадәр шикаять бирү процедурасын файдалану мөмкинлеген тәэмин итү буенча мәгълүмати-аңлату кампаниясе үткәрә.
Россия Федерациясе Хөкүмәте бала өчен җәйге лагерьга юллама бәясенең яртысын ата-аналарга кайтару өчен өстәмә 4,5 миллиард сум акча бүлеп бирәчәк, дип хәбәр итте Россия Федерациясе Хөкүмәте рәисе Михаил Мишустин. Бу хакта ул Россия министрлар кабинеты утырышында белдерде.
Татарстанның Питрәч районында ике балалар бакчасы төзелеше дәвам итә. Объектлар «Демография» милли проекты ярдәмендә Көек һәм Богородское авылларында төзелә. Көек авылында 220 урынлык мәктәпкәчә учреждение сафка басачак. Җирле халык аның өчен инде исем уйлап тапкан – күпчелек тавыш "Әкият" өчен бирелгән. Хәзер объектта эчке эшләр бара: беренче катны штукатурлау, барлык инженер системаларын (су, канализация, электрик) урнаштыру. Подвалдагы эшләр тәмамланып килә. Вентиляцияле фасад төзелешенә керештеләр. Шулай ук тышкы инженерлык челтәрләре буенча да эш алып барыла. Богородское авылында 120 урынлык балалар бакчасы төзелә. Бу объектта да шундый ук эшләр алып барыла. Бина эчендә инженерлык челтәрләре һәм коммуникацияләр үткәрелә. Тәрәзәләр куелган, котельныйны монтажлауга әзерлек бара.
2021 елда аттестация кампаниясе штат режимында уза. Бу хакта «Белем бирү мохите» онлайн-программасы эфирында Федераль педагогик үлчәүләр институты (ФИПИ) директоры Оксана Решетникова сөйләде.
Язгы сессия кысаларында Татарстанда 11 896 дәрес узды, аларда 151 меңнән артык укучы һәм 36 мең көллият, училище һәм техникум студенты катнашты. ТР мәгариф һәм фән министрлыгы ярдәмендә онлайн-дәресләргә республиканың барлык мәктәпләре һәм урта һөнәри белем бирү учреждениеләре дә кушылды. «Проект үсеп килүче буында финанс чишелешләрен кабул итүгә җаваплы һәм гыйлемле якын килү принципларын формалаштыруга, белем бирү процессына финанс белеме нигезләрен укытуны кертүгә һәм, ахыр чиктә, республикабызда яшәүчеләрнең финанс культурасы дәрәҗәсен арттыруга юнәлдерелгән», — дип билгеләп үтте Россия Банкының Татарстан буенча бүлеге идарәчесе Марат Шәрифуллин.
Россия Мәгариф министрлыгы академиясе тарафыннан гамәлгә ашырыла торган «Педагогик кванториум» квалификациясен күтәрү курсы укытучыларга заманча укыту җиһазларын үзләштерергә ярдәм итәчәк. Яңа уку елында «Педагогик кванториум» курсының бер программасы буенча Россиянең 85 төбәгеннән белгечләр укуы планлаштырыла, дип хәбәр итә Россия мәгариф министрлыгына.