ЯҢАЛЫКЛАР
"Бөек Ватан сугышы тарихы буенча тест" халыкара акциясе 3 декабрьдә - Билгесез солдат көнендә узачак, дип хәбәр итә акциянең оештыру комитеты.
Өстәмә һөнәри белем бирү программаларын (модульләрен) бәяләү буенча республика Эксперт советы эшен төгәлләде. 2020 елда өстәмә һөнәри белем бирү учреждениеләрен сайлау ике этапта үткәрелде.
Аксубайда «Адымнар» полилингваль мәктәбен ачу турында хыялланалар. Бу хакта журналистларга Аксубай районы башлыгы Камил Гыйльманов хәбәр итте.
Россия мәктәп укучылары хәрәкәтенең яңа проекты булган «Шеф в школе: Перезагрузка школ питания» - мәктәпләрдә сыйфатлы, сәламәт һәм баланслы кайнар туклану оештыру буенча Россия Мәгариф министрлыгының масштаблы эшенең бер өлеше. Проектның максаты - мәктәп ашханәләре эшен камилләштерү өчен балаларны, ата-аналарны, мәктәп җитәкчеләрен һәм экспертлар бергәлеген бер мәйданчыкта берләштерү. Аны тәкъдир итү танылган шеф-повар Константин Ивлев катнашында Одинцово шәһәренең 17 нче мәктәбендә узды.
"Зур тәнәфес" конкурсының яңа сезонында 5 нче сыйныфтан башлап укучылар катнаша алачак. Моннан тыш, алга таба "Зур тәнәфес" катнашучылары ассоциациясе төзеләчәк. Бу хакта мәгариф министры Сергей Кравцов конкурсның беренче сезоны йомгакларына багышланган Бөтенроссия ачык дәресендә чыгыш ясаганда сөйләде. Бөтенроссия ачык дәресен трансляцияләүне 400 меңнән артык кеше карады.
Илдә «РФ субъектларының бөтенроссия мәгариф потенциалы базасы - 2021» формалаша. Порталда илнең мәгариф учреждениеләре уздырган социаль әһәмиятле конкурслар, акцияләр һәм башка чаралар урнаштырылачак.
"Яшь профессионаллар (Ворлдскиллс Россия)" берлеге экспертлары АСИ һәм "2035 университеты" белән берлектә киләчәкнең профиль стандартлары инде хәзер эшләнергә һәм кертелергә тиешле топ-8 һөнәрләрен атады.
Татарстан җыелма командасы инвалидлар һәм сәламәтлек мөмкинлекләре чикләнгән затлар арасында һөнәри осталык буенча «Абилимпикс-2020» VI Милли чемпионатында икенче урын яулады.
Россиядә мәктәп укучылары өчен "Имин юллар" онлайн-олимпиадасы старт алды. Шуңа бәйле рәвештә, Татарстан мәктәпләрендә укучылар өчен ачык дәресләр оештырылды, аларда 209 меңнән артык башлангыч сыйныф укучысы катнашты.
26 ноябрьдә Бөтендөнья татар конгрессында 2021/2022 уку елында ТР югары уку йортларына кабул итү кампаниясе үзенчәлекләре турында видеоконференция узды. Видеоконференциядә Казан югары уку йортларының кабул итү комиссиясе әгъзалары, төбәк милли-мәдәни мохтариятләре вәкилләре, этномәдәни компонентлы мәктәп директорлары, шулай ук Татарстан Республикасы Мәгариф һәм фән министры урынбасары Минзәлия Закирова һәм Бөтендөнья татар конгрессы Башкарма комитеты җитәкчесе урынбасары Илгиз Халиков катнашты.