ЯҢАЛЫКЛАР
Бүген Татарстан Президенты Рөстәм Миңнеханов «Яшь профессионаллар» (WorldSkills Russia) Илкүләм чемпионаты призерлары белән очраша. Республика Президентының матбугат хезмәте җитәкчесе Лилия Галимова ТР Министрлар Кабинетында узган брифингта шулай дип белдерде.
Быел үз белемеңне тикшерү буенча татар телендәге «Татарча диктант» Бөтендөнья акциясендә 379 меңгә якын кеше катнашкан. Диктанттагы билгеңне акция сайтындагы «Билгем нинди?» бүлегендә белергә мөмкин. Якынча саннар проектның Instagram-аккаунтында чыкты.
Татарстан 2020 елда «Фән» илкүләм проектын гамәлгә ашыру барышында, фәнни-җитештерү кооперациясен үстерү һәм фәнни тикшеренүләр уздыру өчен заманча инфраструктура булдырырга ярдәм иткән дүрт проектта катнаша.
2020 елның 30 сентябрендә Татарстан Республикасы Мәгариф һәм фән министрлыгы тарафыннан, «Татарстан Республикасы мәгарифен үстерү институты» өстәмә һөнәри белем бирү дәүләт автоном учреждениесенең Педагогика, психология һәм андрагогика кафедрасы һәм коррекцион һәм инклюзив белем бирү лабораториясе белән берлектә «Инклюзив белем бирү практикасы: инклюзив белем бирүне гамәлгә ашыруда педагогларның һөнәри партнерлыгы» III республика фәнни-гамәли конференциясе оештырылды һәм уздырылды.
Буа районында 260 урынга исәпләнгән «АБВГДЕЙКа» яңа төзелгән балалар бакчасы ачылды. Ул «Демография» илкүләм проекты кысаларында төзелгән һәм Идел аръягы зонасында иң зурлардан булып санала.
"Россиянең үзенчәлекле мәктәпләре" - Россия Мәгариф министрлыгының "Мәгариф хәбәрләре" электрон журналының яңа саны шундый исем астында чыкты.
Татарстанда 8 миллион сумга ике «Кванториум» күчмә технопаркы булдырырга ниятлиләр. ТР Премьер-министры Алексей Песошин шул хактагы карарны имзалаган.
Чирмешән районының Күтәмә мәктәбендә дә «Үсеш ноктасы» үзәге ачтылар. Ул «Мәгариф» илкүләм проекты буенча булдырылды. Күтәмәдә ачылган үзәк кабинетларын 1 миллион 200 мең сумга ремонтлаганнар.
«Татарстан Республикасы мәгарифне үстерү институты» өстәмә һөнәри белем бирү дәүләт автоном мәгариф учреждениесе «Мәгариф оешмасында федераль дәүләт белем бирү стандартларын гамәли яктан тормышка ашыру: дәрес һәм белем бирү эшчәнлеге» республика конкурсы башлануы турында игълан итә.
2020 елның 15-16 ноябрендә Бөтенроссия экологик диктант узачак. Экодиктантны оештыру һәм үткәрү өчен Россия Федерациясенең һәр субъектында, шул исәптән Татарстан Республикасында, төбәк оештыру комитеты булдырылды.