ЯҢАЛЫКЛАР
Милли технологик инициативаның Түгәрәк хәрәкәте (МТИ) һәм “Яшь профессионаллар (WorldSkills Russia) " берлеге сәләтле укучылар өчен яңа санлы сервисларның үзара интеграциясе турында килештеләр.
Бөек Болгар һәм Зөя утрау-шәһәре турында мәктәп рәсемнәре һәм шигырьләре конкурсына гаризалар кабул итү дәвам итә. Конкурс агымдагы елның 22 апреленнән 9 сентябренә кадәр уза. Барлык эшләр дә Instagram-битендә урнаштырылачак: @Bolgar_Sviyazhsk.
2019 елның 18-22 августында Казанда Татарстан Республикасыннан читтә белем алучы студентларның икенче форумы узачак. Форум техник һәм гуманитар белгечлекләр, IT-өлкә буенча 150 талантлы студентны җыячак. Катнашучыларны бик бай мәдәни программа, нетворкинг-сессияләр, республика җитәкчелеге, эре предприятиеләр һәм бизнес-структуралар топ-менеджменты белән очрашулар, WorldSkills стандартлары буенча эшче һөнәрләр дөнья чемпионаты тантанасында катнашу көтә.
Казан шәһәренең 4 нче балалар сәнгать мәктәбенең өченче сыйныфында укучы Яна Петрухина «Һәр халык — рәссам» I Халыкара хәйрия конкурсы кысаларында Бөтенроссия рәсем диктанты Гран-приен алды.
Самара өлкәсендәге фестиваль паркы мәйданчыгында «іВолга-2019» Идел буе яшьләр форумының тантаналы ачылышы узды, ул ел саен Россия Президенты Владимир Путин кушуы буенча үткәрелә. Чарага Россия төбәкләреннән һәм БДБ илләреннән 2 меңнән артык яшь кеше җыелды. Бу хакта РФ Президентының Идел буе федераль округындагы тулы вәкаләтле вәкиле матбугат хезмәте хәбәр итә.
Россия Мәгариф министрлыгының рәсми сайтында (https://edu.gov.ru/) РФ Мәгариф министры О.Ю. Васильеваның сорау бирү өчен махсус сервисы (https://edu.gov.ru/opc-view/) эшли башлады. Ул аларга яңа уку елы алдыннан укучыларның ата-аналары белән традицион очрашу кысаларында җавап бирәчәк. Сорауны 2019 елның 20 августына кадәр (бу көнне дә кертеп) бирергә мөмкин.
Россия Президенты Владимир Путин Хөкүмәткә 2019 елның 1 декабренә кадәр медицина югары уку йортларын тәмамлаучыларны алдан билгеләү буенча эшкә җибәрү мөмкинлеге турында тәкъдимнәр әзерләргә кушты. Элегрәк май аенда узган "Дөреслек һәм гаделлек" Медиафорумында кичектергесез балалар хирургиясе һәм травматологиясе фәнни-тикшеренү институты директоры Леонид Рошаль шундый тәкъдим белән чыгыш ясады. Ул вакытта дәүләт башлыгы бу тема буенча Хөкүмәт, аерым алганда, Сәламәтлек саклау министрлыгы белән фикер алышырга вәгъдә итте.
Кремль сайтында медиафорум нәтиҗәләре буенча Президент йөкләмәләре басылды.
Россия Мәгариф һәм фән министрлыгы укытучыларның 2019/2020 уку елына Таҗикстан Республикасы һәм Кыргызстан Республикасы мәктәпләрендә укытучылар эшчәнлеген гамәлгә ашыру өчен гаризаларын кабул итүне төгәлли.
23 июльдә " Волга-Янцзы» форматындагы Россия-Кытай Яшьләр форумы кысаларында Татарстан Республикасы делегациясе, Казанның ике университеты студентлары составында, Кытайның керамика башкаласы һәм илнең икътисадый яктан иң алга киткән шәһәрләренең берсе булган Лилин шәһәренә китте.
21 июльдә Сегедта (Венгрия) мәктәп укучылары өчен 30 нчы Халыкара биологик олимпиадага йомгак ясадылар. Россия җыелма командасы ярышларда өч көмеш һәм бер бронза медаль яулады.