ЯҢАЛЫКЛАР

Казанның 402-нче номерлы балалар бакчасы узган ялда “Сәйдәш” мәдәният үзәгенең концертлар залында үткән V “Сәләтле бәләкәч” фестивалендә гран-прига лаек булды. Нәкъ менә әлеге мәктәпкәчә белем бирү учреждениесенең иҗат программасы бу елда иң яхшылардан дип бәяләнде. Жюри биргән бәя буенча беренче урында – 305-нче номерлы балалар бакчасы, икенчедә – 272-нче номерлы бакча төркеме, өченче урында – 330-нчы номерлы бакчасы.

Агымдагы елда ГТО сынауларын үтәүдә өстенлек РФ белем бирү учреждениеләре укучыларына биреләчәк. Бүген журналистлар белән очрашуда Спорт һәм социаль проектлар башкарма дирекциясе генераль директоры урынбасары – ГТО комплексын гамәлгә кертү департаменты җитәкчесе Александр Карпов, Россия Мәгариф һәм фән министрлыгы фәрманы нигезендә, ГТОның алтын мактау билгесе булган очракта, вузларның студентларга өстәмә баллар бирү мөмкинлеген билгеләп узды.

Татарстан Ректорлар советы КФУ ректоры Илшат Гафуровның совет рәисе вазифасындагы вәкаләтләрен озайту турында карар кабул итте. Әлеге карар бер тавыштан хупланды.

9 апрельда  Казанның "Пирамида" мәдәни-күңел ачу комплексында эшче һөнәрләр буенча “Яшь профессионаллар” WorldSkills Ачык төбәк чемпионатына йомгак ясалды. Һөнәри ярышларны ябу һәм җиңүчеләрне бүләкләү тантанасында ТР Премьер-министры Илдар Халиков катнашты.

14 апрель көнне Чаллының "Нур" яшьләр үзәгендә Татар яшьләре форумы уздырыла. Ул, ТР Президентының "Татарстан Республикасында дәүләт милли сәясәте концепциясе турында"гы Указын, "2016-2018 елларга Чаллы шәһәрендә милли сәясәт муниципаль программасын тормышка ашыру" максатында, оештырылган.

8 апрельдә Казанда "Без бәхетле буын" фестиваленең гала-концерты узды. Фестивальдә Татарстан Республикасы көллият һәм техникумнары студентлары катнашты. Быел фестиваль өченче тапкыр үткәрелә. Ул республикада һөнәри техник белем бирүнең 75 еллыгына багышланган иде.

8 апрельда  Казанда информатика буенча бөтенроссия олимпиадасы җиңүчеләре билгеле булды. Олимпиаданы ябу һәм җиңүчеләрне бүләкләү тантанасында РФ мәгариф һәм фән министры урынбасары Александр Климов һәм ТР Премьер-министры урынбасары – мәгариф һәм фән министры Энгель Фәттахов һәм башкалар катнашты.

8 апрельдә Яр Чаллы шәһәрендә "Золотая рыбка" 34нче балалар бакчасында мәктәпкәчә яшьтәге балаларны чит телләргә өйрәтү буенча база мәйданнары эшчәнлеге кысаларында семинар-практикум узды.

Бүген "Казан ярминкәсе" күргәзмәләр үзәгендә Татарстан Республикасы Президенты Рөстәм Миңнеханов ТРның "Яшь профессионаллар" (WorldSkills Russia 2016) төбәк чемпионаты мәйданчыгында булды. Аны Россия элемтә һәм массакүләм коммуникацияләр министры Николай Никифоров, ТР Президенты Аппараты җитәкчесе Әсгать Сәфәров, ТР Президенты ярдәмчесе Ләйлә Фазлыева, Казан мэры Илсур Метшин, ТР Премьер-министры урынбасары - ТР мәгариф һәм фән министры Энгель Фәттахов һәм башка министрлыклар, ведомстволар җитәкчеләре озата йөрде.