ЯҢАЛЫКЛАР
Укучылар өчен тормыш иминлеге нигезләренең яңартылган курсына мәгълүмати һәм психологик куркынычсызлык темаларын керттеләр, дип белдерде РФ Гадәттән тыш хәлләр министрлыгының ашыгыч психологик ярдәм үзәге директоры Юлия Шойгу "Россия-24" телеканалы эфирында.
Казан федераль университеты яшь галимнәре Россиядә Франция Илчелеге аспирантлары өчен В.И.Вернадский исемендәге стипендиясе һәм М.В.Остроградский исемендәге стипендия лауреатлары булдылар.
Башка төбәк мәгариф оешмаларында укучы, ләкин хәзерге вакытта өйләренә кайткан укучылар яшәү урыны буенча ДЙА тапшырачак, дип хәбәр итә Мәгариф һәм фән өлкәсендә күзәтчелек буенча федераль хезмәт.
4 майда “Зур тәнәфес” Бөтенроссия конкурсының яңа тематик атнасы башланды. "Хәтерлә!" атнасы тарихи хәтергә һәм Бөек Ватан сугышында Җиңүнең 75 еллыгына багышланган.
Быел "Үлемсез полк" гомумроссия акциясе 9 майда онлайн-форматта узачак. Анда катнашу өчен "Россиянең Үлемсез полкы" сайтында яки "ВКонтакте" һәм "Одноклассники" социаль челтәрләрендә мини-кушымталар аша анкета тутырырга кирәк.
Россия югары уку йортлары, коронавирус инфекциясенә бәйле вәзгыятьтән чыгып, 2020 елда чыгарылыш кичәләрен уздыру турында мөстәкыйль рәвештә карар кабул итәргә тиеш.
Балаларга чит телне кайчан өйрәтә башларга кирәк дигән сорау ата-аналарның күпчелеген борчый. Казан федераль университеты эксперты, Психология һәм мәгариф институтының педагогика психологиясе кафедрасы доценты, ECERS мәктәпкәчә белем бирү сыйфатын бәяләү өлкәсендәге халыкара эксперт Евгения Шишова, ничек иртәрәк, шулай яхшырак, ди.
Танылган сәяхәтче Матвей Шпаро #ПроПоходТВ онлайн-телевидениесе ачты. Көн саен 16 дан 19 сәгатькә кадәр үз тормышларын походларга, экспедицияләргә һәм балалар мәгарифенә багышлаган кешеләр - танылган сәяхәтчеләр, Матвей Шпароның дуслары һәм "Сәяхәтләр лабораториясе", балалар лагерьлары инструкторлары - үзләренең гаҗәеп экспедицияләре турында сөйлиләр һәм тәҗрибә уртаклашалар.
Башлангыч сыйныф укучыларының бушлай кайнар туклануы турындагы закон 1 майдан үз көченә керә, мәктәпләр укучыларны кайнар ризык белән тәэмин итүгә 2020 елның 1 сентябреннән 2023 елның 1 сентябренә кадәр күчәргә тиеш булачак.
Татарстан укучылары 1 майдан 11 майга кадәр ял итәчәк. Колледжлар һәм югары уку йортлары студентлары 1-5 майда укымыйлар, ә 6, 7 һәм 8 майларда дистанцион режимда укуларын дәвам итәчәкләр. 9, 10 һәм 11 май ял көннәре булачак.