ЯҢАЛЫКЛАР
5 июньдә мәктәп укучылары беренче тапкыр кытай теле буенча БДИ тапшырачак. Беренче көнне чыгарылыш сыйныф укучылары язма өлешне башкарачаклар. Телдән - өч көннән соң. Барлыгы кытай теле буенча белемнәрен РФнең 43 төбәгеннән 289 кеше тикшерәчәк. Татарстанда кытай теле буенча БДИны өч укучы тапшырачак. Бу Казан һәм Яр Чаллы мәктәпләрен тәмамлаучылар.
2019 елда Россия вузларында бакалавриат һәм 66,7 мең специалитет программалары буенча 238,9 мең бюджет урыны ачылган. Узган елгы кабул итү кампаниясе белән чагыштырганда урыннар саны арткан. Аерым алганда, мәдәният һәм сәнгать өлкәсендәге, шулай ук гуманитар, иҗтимагый һәм табигый фәннәр белгечлекләре буенча үсеш уртача 9% тәшкил итте. Әлегә вузларда укырга күпме абитуриент дәгъва итәчәге аңлашылмый. Узган ел конкурс бер урынга уртача 9,1 кеше тәшкил иткән.
Россия Фәннәр академиясенең база мәктәпләре исемлеге расланды, алар Россия Мәгариф министрлыгы һәм Россия Фәннәр академиясенең уртак проектына керәчәк.
Театр елында Идел буе федераль округында яңа иҗтимагый проект – “Театраль Идел буе” фестивале гамәлгә ашырылачак. Бу проектка Халыкара театр көнендә Түбән Новгородта Россия Президентының Идел буе федераль округындагы тулы вәкаләтле вәкиле Игорь Комаров старт бирде.
Казанлыларга балалар ялын оештыруның сыйфаты һәм иминлеге мәсьәләләре буенча киңәш бирәчәкләр. Сорауларны 5 июньнән 19 июньгә кадәр кайнар линия телефоны аша бирергә мөмкин.
Татарстанда, Казан инновация университеты базасында " DATA SCIENCE КИУ үзәге» фәнни-мәгариф үзәге төзү планлаштырыла, аның төп максаты - республикада һәм Россиядә цифрлы технологияләрне үстерү һәм киң тарату.
Татарстанда БДИның һәм ТДИның бер участогы буенча дәүләт йомгаклау аттестациясенең төп чоры башланганнан бирле хокук бозган өчен ике укучы имтиханнан төшереп калдырылды. Бу хакта «Татар-информ» мәгълүмат агентлыгы ТР Мәгариф һәм фән министрлыгының Мәгариф өлкәсендә күзәтчелек һәм контроль департаментында хәбәр итте.
Татарстан Республикасы коммерциячел булмаган оешмалары Идел буе федераль округыннан иң актив булдылар, 41 проектны гамәлгә ашыру өчен 78 млн. сум грант алдылар.
5 июньнән 7 июньгә кадәр КидСпейс балалар шәһәре базасында Казанның инвалидлыклары һәм сәламәтлеге чикле булган 13 мәктәп укучысы өчен көндезге уку буенча һөнәри юнәлеш бирүче лагерь оештырылачак.
"Имин тәгәрмәч – 2019” яшь инспекторлары хәрәкәтенең Бөтенроссия конкурсы тантаналы ачылышында ТР Премьер-министры Алексей Песошин, ТР Премьер-министры урынбасары - ТР Министрлар Кабинеты Аппараты җитәкчесе Шамил Гафаров, ТР Премьер-министры урынбасары - ТР мәгариф һәм фән министры Рафис Борһанов, Россия Эчке эшләр министрлыгының юл хәрәкәте куркынычсызлыгы дәүләт инспекциясе башлыгы урынбасары Владимир Кузин һәм башкалар катнашты. Чара Идел буе дәүләт физик культура, спорт һәм туризм академиясе мәйданчыгында узды.