ЯҢАЛЫКЛАР
Казанда туган телләре рус булмаган мәктәп укучылары өчен рус теле буенча халыкара олимпиада уздырылачак. Чара 3-7 июнь көннәрендә үтә.
5 майда кичке 4тә “Сәләт “ йорты конференц-залында (Казан ш., Островский ур., 23нче йорт, 4нче кат) татар телендәге “Безнең фикер” дебатлар лигасының бу сезонда соңгы финал уены була. Сезонны ябу чарасында РФ Дәүләт Думасы депутаты Марат Бариев, “Сәләт” проектлары җитәкчесе Җәүдәт Сөләйманов, Бөтендөнья татар яшьләре форумы рәисе Тәбрис Яруллин, “Сәләт” фонды башкарма директоры Тимур Сөләйманов, “Сәләт” активистлары катнашуы көтелә.
«Алабуга» махсус икътисади зонасының корпоратив университеты – уникаль тәҗрибә җыярга ярдәм итәрлек алдынгы проект ул. Бүген Татарстан Республикасы Президенты Рөстәм Миңнеханов бу фикерне МИЗ административ-эшлекле үзәгендә узган студентлар белән очрашуда хәбәр итте.
29 апрельдә Бөгелмә шәһәренең ата–аналар тәрбиясеннән мәхрүм калган балаларны гаиләләргә урнаштыруга ярдәм итү үзәгендә шәһәр мәктәпләрендә, көллиятләрендә эшләүче педагог-психологлар hәм социаль педагоглар өчен семинар узды.
Бүген Казан федераль университетының Попечительләр советы утырышында инженерлык белемен үстерү турында сөйләшәчәкләр.
Бүген Казан федераль университетының Попечительләр советы утырышында инженерлык белемен үстерү турында сөйләшәчәкләр.
25 апрельдә Республика белем бирүнең сыйфаты мониторингы үзәгендә ТР Премьер-министры урынбасары - мәгариф һәм фән министры Энгель Фәттахов катнашында "Ел тәрбиячесе" республика конкурсын ябу һәм нәтиҗәләр чыгару тантанасы булды.
Кичә кич "УНИКС" мәдәни-спорт комплексының концертлар залында "Татарстан Республикасы Студентлар язы-2016" фестиваленең гала-концерты булды. Бу кичтә залда республика студентлары арасындагы иң зур күләмле вакыйга җиңүчеләр җыелган иде. Май аенда алар "Россия студентлар язы"нда Татарстан данын яклаячак, ул бу юлы Казанда уза.
26 апрель, сәгать 16:00дә Казан шәһәрендә "Мин татарча сөйләшәм акциясенә нәтиҗәләр һәм гала-концерт узачак. Быелгы акция берничә чарадан тора: республика мәктәпләрендә бәйге уздыру, "Татар-дозор" квест-уены, "Тяжело с татарским"антипремиясен тапшыру, Яр Чаллы, Әлмәт шәһәрләрендә концерт турлары һәм Бауман урамында гала-концерт үткәрү.
Татарстан Республикасы Президенты Рөстәм Миңнеханов ТР Дәүләт Советы тарафыннан агымдагы елның 21 апрелендә кабул ителгән «Татарстан Республикасы дәүләт символлары турында» Татарстан Республикасы Законының 9 статьясына үзгәрешләр кертү турында» ТР Законын 23 апрель көнне имзалады.