ЯҢАЛЫКЛАР
Азнакай шәһәренең 7 нче мәктәбе базасында урнашкан психологик-педагогик хезмәт пункты ныклы таяныч булып тора. Үзәккә психологик ярдәмгә мохтаҗ һәркем мөрәҗәгать итә ала. Пункт агымдагы елның сентябрь башыннан эшли башласа да, кичә, ягъни 24 ноябрьдә аны рәсми ачу тантанасы булды.
Сүзлек көне, Россия лексикографы Владимир Даль туган көне алдыннан, 23–27 ноябрьдә шәһәр һәм авыл мәктәпләре китапханәләрендә сүзлек дәресләре рәвешендә үткәрелә. Мәктәп китапханәләрендә сүзлекләр, энциклопедияләр, белешмәлекләр күргәзмәсе оештырыла, “Сүлекләр дөньясына сәяхәт”, “Белешмәләр патшалыгы–зирәк дәүләт” темаларына китапханә дәресләре үткәрелә
Мөмкинлекләре чикле булган балаларны укытуга районда зур игътибар бирелә. Инклюзив белем бирү буенча әле күптән түгел генә үткәрелгән фәнни-методик республика семинары шуны раслады.
Һәр мәктәпнең үз эмблемасы, гимны булу укучыларда горурлык хисе, патриотик рух уята.
2015 нче елның 19-20 нче ноябрь көннәрендә Муса Җәлил исемендәге Минзәлә педагогия колледжы базасында ел саен үткәрелеп килә торган “Татар кызы – 2015” республика бәйгесе узды. Биредә республикабызның төрле һөнәри уку йортларыннан – техникум һәм колледжлардан килгән 35 студент кыз – татар милләтенең иң күркәм вәкилләре үзара көч сынашты.
2015 нче елның 18 нче ноябрендә Татарстанның халыклар Дуслыгы Йортында Татарстан Республикасының күпмилләтле якшәмбе мәктәпләре һәм этномәдәни компонетлы мәктәп укучылары фестивале үтте.
Хәзерге вакытта Татарстанда “IT-чемпион” акциясенең икенче этабы дәвам итә. Чара тәмамланырга әллә ни күп вакыт калмады инде – 30 ноябрьдә укучылар арасындагы иң популяр конкурсларның берсенә нәтиҗәләр ясалачак.
18 ноябрьдә Баулыда ТР Мәгариф һәм фән министрлыгының коллегия утырышы узды. Чарада ТР Премьер-министры урынбасары - ТР мәгариф һәм фән министры Энгель Фәтахов, муниципаль мәгариф идарәләре җитәкчеләре, аларның укыту-методик эш буенча урынбасарлары, кадрлар һәм аттестация мәсьәләләренә кураторлык итүче белгечләр катнашты.
“Бу авылдан китмәс идем”, – ди Әтнә районының Бәрәскә мәктәбендә физкультурадан белем бирүче Радик Шәрәфиев. Югыйсә Бәрәскә аның өчен туган авыл да түгел. Әлеге мәктәпкә Шашы авылына көн саен утыз чакрым араны узып килә егет.
23-25 ноябрь көннәрендә Идел буе дәүләт физик культура, спорт һәм туризм академиясендә чит ил студентларының социальләшү мәсьәләләренә багышланган бөтенроссия форумы уздырыла. Анда дөньяның 50 иленнән Россиядә белем алучы 300ләп студент катнашуы көтелә. Форумны РФ Мәгариф һәм фән министрлыгы һәм ТР Хөкүмәте ярдәме белән Россия Яшьләр берлеге, Россиянең студентлар һәм студентлар берләшмәләре ассоциациясе, ТР Студентлар лигасы, Казан дәүләт энергетика университеты, Казан шәһәренең чит ил студентлары һәм аспирантлары ассоциациясе оештыра.