ЯҢАЛЫКЛАР
25 ноябрьдә Татарстан Халыклар дуслыгы йортында (Казан ш., Павлюхин ур., 57) сәгать көндезге 2дә “Күркәм гаилә” республикакүләм бәйгесенең финал туры уздырыла. Әлеге бәйге, бар яктан да булдыклы, авылның горурлыгы булырдай гаиләләрне ачыклау һәм гаилә кыйммәтләрен пропагандалау максатыннан, игълан ителгән иде. Финалда җиңү яулаган гаилә “Республиканың күркәм гаиләсе” исеменә лаек булачак.
Республикада якшәмбе мәктәпләренең саны утыз бишкә җитте һәм алар елдан-ел арта бара. Шулай да чын мәгънәсендә, җисеме дә мәктәп атамасына туры килгәне берәү, ул Казанда урнашкан. Калганнары аерым бүлекләр булып этник культуралы мәктәпләрдә, мәдәният йортлары каршындагы түгәрәкләрдә эшли.Татарстан Мәгариф һәм фән министрлыгының милли мәгариф идарәсе башлыгы Лилия Әхмәтҗанова сүзләренә караганда, әлеге мәктәпләр тел өйрәтү белән генә чикләнми, үз халкының йола-гадәтләрен, сәнгать-мәдәниятен, тарихын өйрәнүне дә күздә тота.
Казан шәһәренең А.Алиш исемендәге балалар иҗаты сарае "2015 елның иң яхшы балаларга өстәмә белем бирү оешмасы" конкурсы лауреаты булды. Ә балалар иҗаты сарае директоры Елена Габитова 2015 елның иң нәтиҗәле җитәкчесе дип табылды.
Татарстан Республикасы мәгариф һәм фән министрлыгы планы нигезендә һәм 2014-2020 нче елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү буенча Татарстан Республикасы дәүләт программасын тормышка ашыру, республика мәктәпләрендә әдәбият өлкәсендә сәләтле балаларны барлау, укучыларда фәнни-эзләнү, тикшеренү күнекмәләре формалаштыру, туган якка мәхәббәт тәрбияләү, татар халкы теленә, тарихына кызыксыну уяту, күренекле шәхесләренең иҗатын барлау, өйрәнү, пропагандалау максатында гомуми белем оешмалары укучылары өчен 2015 нче елның 19 нчы ноябрендә «Шәҗәрәләр-нәсел агачы» исемендәге II төбәкара фәнни –гамәли конференция үткәрелде.
19 ноябрьдә Ульян шәһәрендә татар теле һәм әдәбияты укытучыларының III съезды үтте. Съезд эшендә төбәк губернаторы Сергей Морозов, Мәгариф һәм фән министры Екатерина Уба белән беррәттән Татарстанның мәгариф һәм фән министры урынбасары Илдар Мөхәммәтов, Россиянең Дәүләт Думасы депутаты Илдар Гыйльметдинов катнашты.
Бүген, 19 ноябрьдә "Россия ел тәрбиячесе-2015" конкурсы финалистлары өчен СМС-тавыш бирү бара. Татарстан тәрбиячесе Бөгелмә шәһәренең 14нче прогимназиясе тәрбиячесе Людмила Барабошкина "Ел тәрбиячесе-2015" исеменә дәгъва кылучы төп унлыкка керде һәм 7нче номер астында чыгыш ясый.
2015 елның 16 ноябрендә Мәскәү өлкәсе Мытищи шәһәрендә "Россия ел укытучысы-2015" IV Бөтенроссия һөнәри бәйгесенең финал чаралары башланып китте. Бәйгедә Татарстан Республикасыннан Бөгелмә шәһәренең "Журавушка" дип аталган 14нче прогимназиясе тәрбиячесе Людмила Барабошкина катнаша. Конкурсантлар "Педагогик брифинг"та катнашачак, балалар катнашында ачык дәресләр күрсәтәчәк, ә иң яхшылары дип табылган ун тәрбияче "Мастер-класс" үткәрәчәк һәм "Һөнәри сөйләшү" дип аталган ток-шоуда катнашачак.
2015 елның 19 ноябрендә Татарстан Республикасы мәгариф һәм фән министрлыгы Буа муниципаль районының мәгариф идарәсе белән берлектә Буа шәһәренең академик Р.З.Сәгъдиев исемендәге гомуми белем бирү белем мәктәбендә «Шәҗәрәләр – нәсел агачы» дип исемләнгән II төбәкара фәнни-гамәли конференция уздыра.
2015 елның 17 ноябрендә Г.Тукай исемендәге Арча педагогика көллиятендә Рамил Курамшин исемендәге V Республикакүләм баянистлар бәйгесе узды. Бәйгедә музыка мәктәпләре һәм балалар сәнгате мәктәпләре укучылары, урта педагогик уку йортлары студентлары катнашты.
2015 нче елның 18 нче ноябрендә Татарстанның халыклар Дуслыгы Йортында «2014-2020 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү» Татарстан Республикасы дәүләт программасы кысаларында, Татарстан Республикасының күпмилләтле якшәмбе мәктәпләре һәм этномәдәни компонетлы мәктәп укучылары Фестиваленең йомгаклау туры һәм гала-концерты үткәрелә.