ЯҢАЛЫКЛАР

Казанда Татарстан Президенты Рөстәм Миңнеханов белән Россия мәгариф һәм фән өлкәсендә күзәтчелек хезмәте җитәкчесе Сергей Кравцов очрашуы вакытында Татарстан белем бирүнең сыйфатын бәяләүнең объектив системасын эшләү буенча сынау төбәге булачак дигән килешүгә ирешелгән.

Нурлат коррекция интернат-мәктәбе үзенең 50 еллык юбилеен билгеләп үтте. Һәрвакыт яңарып торган мәктәпне туган көнендә педагоглар һәм хезмәт ветераннары, кунаклар котладылар, аның тарихын барладылар.

24 октябрьдә Россия Мәгариф һәм фән министрлыгында Бөтенроссия мәктәп укучылары олимпиадасының үзәк оештыру комитеты утырышы узды. Катнашучылар Олимпиаданың региональ һәм йомгаклау этапларын оештыру һәм уздыру, Бөтенроссия мәктәп укучылары олимпиадасын үткәрү Тәртибенә үзгәрешләр кертү, региональ һәм йомгаклау этапларын үткәрү вакытлары, Олимпиаданың йомгаклау этабын үткәрү урыны һәм катнашучыларның саны турында фикер алыштылар.

2014 елның 3 ноябреннән республика мәктәп укучыларының көзге каникуллары башлана. Каникул 9 ноябрьгә кадәр дәвам итәчәк. Исегезгә төшерәбез, 2014-2015 уку елына балаларга аларның гомере һәм сәламәтлеге куркынычсызлыгын тәэмин итүче оешкан ял булдыруга шартлар тудыру, каникуллар вакытында укучылар өчен үткәрелә торган чараларның бердәй планын гамәлгә ашыру максатыннан, шулай ук әти-әниләрнең күпсанлы сораулары буенча Татарстан Республикасы Мәгариф һәм фән министрлыгы тарафыннан каникуллар үткәрүнең бердәй вакыты тәкъдим ителгән иде.

27 октябрьдән 30 октябрьгә кадәр Россия Федерациясенең барлык мәктәпләрендә дә Интернет челтәрендә куркынычсызлык турында бердәй дәресләр уза.
Мәгариф хезмәткәрләренең квалификациясен арттыру һәм профессиональ әзерләү академиясе тарафыннан әзерләнгән методик тәкъдимнәр академия сайтында “Тәкъдим итәбез” дип аталган бүлектә урнаштырылган http://www.apkpro.ru/content/category/34/113/.