ЯҢАЛЫКЛАР

Сезне чын күңелдән Белем көне һәм  яңа уку елы башлануы  белән котлыйм!
1нче сентябрь укучылар өчен дә, укытучылар – һәммәбез өчен дә  үзенчәлекле бәйрәм. Нинди генә югары үрләр яуласак та,  юл башы  мәктәптән башлана.

Мәгариф министрлыгы быел ни өчен инглиз телен беренче сыйныфтан ук кертергә булды? Балалар бакчалары буенча рейтинг төзелерме? Имтиханнарны тапшыра алмаган тугызынчы сыйныф укучыларының язмышы ничек хәл ителәчәк?  Яңа уку елы якынлашып килгәндә әлеге һәм башка сораулар буенча ТР Премьер-министры урынбасары – мәгариф һәм фән министры Энгель Фәттаховка мөрәҗәгать иттек.

Россиядә 2020 нче елда чит ил теле буенча мәҗбүри Бердәм дәүләт имтиханы кертеләчәк, дип белдерде кичә РФ мәгариф һәм фән министры Дмитрий Ливанов Әстерхан өлкәсенә эш сәфәре барышында.  “Интерфакс” шулай дип хәбәр итә.

Бүген Татарстанның Чүпрәле районы Иске Чүпрәле авылында ТР Премьер-министры Илдар Халиков һәм аның урынбасары – ТР фән һәм мәгариф министры Энгель Фәттахов катнашында яңа балалар бакчасы ачылды.

Быел яңа уку елына багышланган Белем көне һәм тантаналы линейка гадәттәгечә 1 сентябрь көнне узачак.

26 август көнне Казанда "Россия әтиләре күп балалы гаиләләр яклы" бөтенроссия акциясендә катнашучылар булып китте.

Сентябрь аеннан мәктәп укучыларын, гадәттәгечә, наркотик һәм психотроп матдәләр куллану-кулланмауга тикшерә башлыйлар. Мондый кисәтү чараларына быел республика бюджетыннан 10 миллион сум акча бүленгән.

Бүген мәгариф өлкәсендә төп бурычларның берсе – 2016 нчы елга кадәр 3 яшьтән узган барлык балаларны мәктәпкәчә белем бирү оешмаларында урын белән тәэмин итү. Бу хакта бүген мәгариф хезмәткәрләренең шәһәр август киңәшмәсенең пленар утырышында ТР Премьер-министры урынбасары – мәгариф һәм фән министры Энгель Фәттахов билгеләп узды.

2 нче сентябрьдә Казанда тәрбиячеләр һәм укытучылар әзерләү өчен беренче ресурс үзәге ачылачак. Бу хакта бүген “Казан мәгарифе-2014: яңа фикер – яңа чыганаклар – яңа казанышлар” темасына мәгариф хезмәткәрләренең шәһәр август киңәшмәсенең пленар утырышында ТР Премьер-министры урынбасары – мәгариф һәм фән министры Энгель Фәттахов хәбәр итте.
Идел буе физик тәрбия, спорт һәм туризм академиясендә узган конференциядә Казан шәһәре мэры Илсур Метшин, Казан шәһәре Башкарма комитеты җитәкчесе Денис Калинкин, ТР бала хокуклары буенча вәкаләтле вәкиле Гүзәл Удачина һәм башкалар катнашты. Киңәшмәне Казан шәһәре Башкарма комитеты җитәкчесенең социаль мәсьәләләр буенча урынбасары Ләйлә Фазлыева алып барды.

Тәрбиягә бала алган гаиләләр институтын  үстерү һәм ныгыту максатыннан  23-24 августта  Чистай шәһәренең "Каенкай" җәйге сәламәтләндерү лагеренда Татарстан Республикасының Кама аръягы зонасындагы  тәрбиягә бала алган гаиләләрнең беренче слеты булды. Слет "Чистай балалар йорты"  дәүләт бюджет белем бирү учреждениесендә  Татарстан Республикасының Мәгариф һәм  фән министрлыгы ярдәме белән "Иңне иңгә куеп" – балалар тәрбияләгәндә кыенлыклар кичерүче  тәрбиягә бала алган ата-аналарга  консультатив ярдәм күрсәтү өчен  уңышлы тәрбиягә бала алучы ата-аналарны әзерләү” грант проектын тормышка ашыру кысаларында  уздырылды.