ЯҢАЛЫКЛАР

24 октябрьдә Казан радиомеханика көллиятендә “Киләчәк безнең кулларда!” республикакүләм фәнни-тикшеренү конкурсы үтте. Конкурсның төп максаты – студентлар арасында фән һәм техника казанышларын, аларның фәнни-тикшеренү эшчәнлегендә активлаштыру өчен фәнни белемнәрне популярлаштыру, фәнни-тикшеренү эшләренең сыйфатын яхшырту, сәләтле һәм иҗади актив студентларны барлау һәм аларга үсергә ярдәм итү, студентларның фәнни-тикшеренү сәләтләрен үстерү һәм аларда үз һөнәрләренә карата  кызыксыну уяту.

Быел Татарстан Хөкүмәтенең “Алгарыш” программасы кысаларында 222 кеше грант алды. Бу хакта  ТР Министрлар Кабинетында брифингта ТР мәгариф һәм фәни министрының беренче урынбасары Андрей Поминов белдерде.
“Алгарыш” грант программасы 2006 елдан бирле гамәлдә, дип искәртте спикер. Бу чорда 3137 кеше грант алган. Агымдагы елда грант алучылар исәбендә студентлар, аспирантлар, яшь галимнәр, профессор-укытучылар составы, инглиз теле укытучылары, гомум белем бирү учреждениесе хезмәткәрләре, проект төркемнәре, мәгълүмат һәм коммуникация технологияләре белгечләре, югары һөнәри белем бирү учреждениеләре дә бар.

Казанда бер балалар бакчасына 246 сабый туры килә. Бу - илдәге 1 миллионнан артык халкы булган  шәһәрләр арасында җиденче күрсәткеч.

21 нче октябрьдә Балтач районының Чепья урта мәктәбендә «Федераль дәүләт белем стандартларына күчеш шартларында төрле мәдәни яссылыкта телләр укыту методикасы» дигән темага III төбәкара методик семинар үткәрелде. Әлеге чарада Татарстан Республикасы мәгариф һәм фән министрлыгының милли мәгариф идарәсе башлыгы, Татарстан Республикасы Мәгарифне үстерү институты галимнәре, «Мари мәгариф институты»ның мари филологиясе кафедрасы мөдире, Удмурт Республикасыннан вәкилләр катнашты.

Татарстан Республикасы Мәгариф һәм фән министрлыгы игълан иткән «Классная работа!» дип аталган республикабызда мәгариф һәм фән темасын иң яхшы яктыртучы журналист хезмәтләре конкурсы дәвам итә. Конкурс Татарстанда мәгариф һәм фән системасының яңартылу процесслары хакында мәгълүмати-аңлатмалы хезмәтләрнең нәтиҗәлелеген арттыру, укытучы хезмәтенә карата позитив мөнәсәбәт булдыруга һәм укытучы һөнәренең дәрәҗәсен күтәрүгә ярдәм итүче иң яхшы журналистик иҗат үрнәкләрен барлау һәм аларны популярлаштыру максатыннан уздырыла.

19 октябрьдә Кама Аланында балалар, яшүсмерләр, юниорлар һәм яшьләр арасында картинг буенча республикакүләм картинг узды. Ярышларда Казан, Яр Чаллы, Түбән Кама, Алабуга, Сарман, Урыссу, Лениногорск, Менделеевск, Азнакай, Бөгелмә шәһәрләреннән, Кама Аланы шәһәр тибындагы поселыгы һәм Биектау һәм Ширәмәт авылларыннан 55 пилот катнашты.